इटालियन सिरी ए मा नापोली २–० गोल अन्तरले पराजीत



काठमाडौँ, १४ साउन । इटालियन सिरी एु फुटबलमा इन्टर मिलान विजयी भएको छ । गएराति भएको खेलमा इन्टर मिलानले नापोलीलाई २–० गोल अन्तरले हराएको हो । जितसँगै इन्टर मिलान तालिकाको दोस्रो स्थानमा रहेको छ ।

उपाधि जितिसकेको युभेन्टस ८३ अङ्कका साथ शीर्ष स्थानमा रहँदा चार अङ्कले पछि परेको इन्टर मिलान ७९ अङ्कसहित दोस्रो स्थानमा छ । यसैगरी एक अङ्क कम रहेको एटलान्टा तेस्रो स्थानमा छ । युभेन्टसले एक खेल कम खेलेको छ ।

इन्टरको घरेलु मैदानमा जित दिलाउनका लागि डेनिलो एम्ब्रोसियो र लाउटरो मार्टिनेजले एकरएक गोलको योगदान गरे । ११ औं मिनेटमा डेनिलोको गोलमा इन्टर मिलानले सुरुवाती अग्रता लिएको थियो ।

पहिलो हाफमा एक गोलको अग्रता बनाएको इन्टरले दोस्रो हाफमा पनि एक गोल थपेको थियो । ७४ औं मिनेटमा मार्टिनेजले गोल गर्दै अग्रता दोब्बर पारे । त्यसपछि थप गोल नभएपछि इन्टर मिलान विजयी भयो।

    Comment Here!


सम्बन्धित समाचार

View All