रियलबेटिसका प्रशिक्षक बर्खास्त



काठमाडौं, ८ असार ।  स्पेनको शीर्ष डिभिजनको क्लब रियल बेटिसले प्रशिक्षक जोन फेररलाई बर्खास्त गरेको छ ।

ला लिगा पुन सुरु भएको तीनखेल लगत्तै क्लबले मुख्य प्रशिक्षक फेररलाई बर्खास्त गरेको हो ।

गत शनिबार भएको खेलमा क्लब एट्लेटिको बिल्बाओसंग पराजित भएसंगै क्लब तालिकाको १४ औं स्थानमा थियो । क्लब रेलिगेशन जोन भन्दा स्पष्ट ८ अंकले माथि रहेको छ । लिगमा अझै ८ चरणका खेल हुन बाँकी छ ।

अबरुद्ध सिजन पुन सुरु भएपछि पहिलो खेलमा बेटिस क्लब सेभिल्लासंग २–० ले पराजित भएको थियो भने ग्रानाडासंग २–२ गोलको बराबरी खेलेको थियो ।

उनी कोरोना महामारीका कारण सिजन पुन सुरु हुने बित्तिकै बर्खास्तमा पर्ने पहिलो प्रशिक्षक बनेका छन् । उनी पछिल्ला तीन खेलमा जित विहिन रहेका थिए ।

खेल निर्देशक एलेक्सिस ट्रुजिलोले सिजनको अन्तिमसम्म कार्यभार सम्हाल्नेछन् । उनले क्लबबाट २ सय २० खेल खेलेका छन् ।

बेटिस क्लबले बिहिबार पुछारको टिम स्प्यानियोलसंग प्रतिस्पर्धा गर्नेछ । एजेन्सी

    Comment Here!


सम्बन्धित समाचार

View All