इंग्लिस प्रिमियर लिगमा लिभरपुलको एभर्टनसँग प्रतिस्पर्धा



काठमाडौं,  ७ असार । इंग्लिस प्रिमियर लिग फुटबल अन्तर्गत आज (आइतबार) उपाधि नजिक रहेको लिभरपुलले एभर्टनसँग प्रतिस्पर्धा गर्दैछ ।

लिभरपुल र एभर्टनबीचको मर्सीसाइड डर्बी भिडन्त गुडिसन पार्कमा हुनेछ । डर्बी भिडन्त नेपाली समय अनुसार राति ११ः४५ मा सुरु हुनेछ ।

कोरोना भाईरसले स्थगित लिग सुचारु पछि लिभरपुल र एभर्टनले पहिलो खेल खेल्न लागेको हो ।

लिभरपुलका लागि यस खेल निकै महत्वपूर्ण रहेको छ । एभर्टनको मैदानमा जित निकालेमा लिभरपुल उपाधि नजिक पुग्नेछ ।

लिग लिडर लिभरपुल दोस्रो स्थानको म्यानचेस्टर सिटी भन्दा २२ अंकले अघि रहेको छ । र, उपाधिका लागि लिभरपुललाई दुई जितको आवश्यकता रहेको छ ।

लिभरपुलले २९ खेलमा ८२ अंक जोडेको छ । सिटीको ६० अंक रहेको छ ।

यस्तोमा लिभरपुल एभर्टनलाई हराउँदै उपाधिको एक कदम नजिक पुग्न चाहन्छ । लिभरपुल ३० वर्षपछि लिग उपाधिको संघारमा रहेको हो ।

तर, बलियो टिम एभर्टनलाई उसैको मैदानमा हराउँन लिभरपुलका लागि चुनौतिपूर्ण हुनेछ ।

एभर्टन पनि घरेलु मैदानमा जित निकाल्दै अंक तालिका सुधार गर्न चाहन्छ । ३७ अंक जोडेको लिभरपुल १२ औं स्थानमा रहेको छ ।

प्रिमियर लिग अन्तर्गत नै आइतबार चेल्सीले एस्टन भिल्लाको सामना गर्नेछ । दुई टोलीबीचको खेल नेपाली समय अनुसार ९ बजे सुरु हुनेछ ।

एस्टनको मैदानमा जित निकाल्दै चेल्सी शीर्ष तीन टोलीसँगको अंक दुरी घटाउने योजनामा हुनेछ ।

चौंथो स्थानको चेल्सीको ४८ अंक रहेको छ ।

यस्तै अर्को खेलमा न्युकासल युनाइटेडले सेफिल्डसँग खेल्नेछ ।

    Comment Here!


सम्बन्धित समाचार

View All