कोरोना भाइरसका कारण विश्व खेलकुद जगत नै ठप्प

खेल क्षेत्रमा पनि ठूलो आर्थिक नोक्सानी



काठमाडौं ८  चैत । कोरोना भाइरसका कारण विश्व खेलकुद जगत नै ठप्प भएको छ । यूरोपका शीर्ष ५ लिगहरु स्थगित गरिएका छन् भने यूरोकप, कोपा अमेरिका, च्याम्पियन्स लिग लगायतका गरी ५ सय ४१ खेल प्रभावित भएका छन् । यूरोपियन यूनियन अफ फुटबल संघले जुन ३० तारिखसम्म यूरोपियन क्लब फुटबल प्रतियोगिता सक्नुपर्ने बताएको छ । कोरोनाका कारण खेलकुद गतिविधि रोकिदा आर्थिक संरचनामा भने ठुलो असर परेको छ । खेल नहुदा लिगको ४ दशमलव ३३ बिलियन अमेरिकी डलर नोक्सान हुने भएको छ ।

कोरोनाका कारण नियमित फुटबल गतिविधि नभएपछि स्कटल्याण्डका फुटबल क्लबले आफ्ना खेलाडीको तलब आधा घटाएका छन् । स्कटल्याण्ड ब्रिटेनमा खेलाडीको तलब कटौती गर्ने पहिलो लिग बनेको छ । कोरोनाका कारण लिग स्थगित भएपछि इंग्लिस फुटबल लिगले चार सय ३२ करोडको राहत प्याकेजको घोषणा गरेको छ ।

    Comment Here!


सम्बन्धित समाचार

View All