आहा ! रारा गोल्डकपः क्वाटरफाइनल खेलमा त्रिभुवन आर्मी र संकटा क्लब भिड्दै



काठमाडौं, २७ फागुन । पोखरामा जारी १८ औं संस्करणको आहा रारा गोल्डकप फुटबलको अन्तिम क्वाटरफाइनल खेल आज हुदैछ ।
पोखरा रंगशालामा हुने अन्तिम क्वाटरफाइनलमा त्रिभुवन आर्मी क्लब र संकटा क्लबबीच प्रतिस्पर्धा हुनेछ । खेल दिउ“सो साढे ३ बजे सुरु हुनेछ । दुवै टिम जित निकाल्दै अन्तिम चारमा पुग्ने लक्ष्यसहित मैदान उत्रने छन् । साविक उपविजेता टिम आर्मी यसपटक भने उपाधि जित्ने लक्ष्यमा रहेको छ । अघिल्लो संस्करणमा आर्मी फाइनलमा थ्री स्टारसँग पराजित भएको थियो ।

आहा रारा गोल्डकपमा आर्मीले १५ संस्करण खेलिसकेको छ । तर, आर्मीले उपाधि जित्न सकेको छैन । आर्मी २०६५, ६६, ७२ र ७५ सालमा उपविजेता बनेको थियो । आर्मीले यस प्रतियोगितामा २८ खेल खेल्दा ३९ गोल गरेको छ भने २५ गोल खाएको छ । आर्मीले पा“च टाइब्रेकर खेलमा भने पा“चै खेल हारेको छ । संकटाले भने चार संस्करण खेलेको छ । जसमा ७ खेल खेलेको हो । संकटाले पा“च गोल गर्दा ७ गोल खाएको छ । आर्मी र संकटाबीचको विजेताले सेमिफाइनलमा मनाङ मर्स्याङ्दी क्लबसंग खेल्नेछ ।

    Comment Here!


सम्बन्धित समाचार

View All