काठमाण्डौं, ८ मंसिर । पहिलो चरणमा निर्वाचन हुने ३२ जिल्लामा मध्य रातिबाट मौन अवधी सुरु भएको छ ।

मौन अवधिमा निर्वाचन नसकिसम्म राजनीतिक दल, उम्मेदवार, नेता कार्यकर्ता, नागरिक समाज, मतदाता तथा सञ्चारमाध्यमले चुनावी प्रचारप्रसार गर्न र संलग्न हुन नपाउने निर्वाचन आयोगले जनाएको छ । मौन अवधिमा एसएमएस, फेसबुक, ट्वीटर, भाइवरजस्ता सामाजिक सञ्जालमार्फत पनि भोट माग्न र चुनावको प्रचारप्रसार गर्न पाइने छैन । मौन अवधि सुरु हुनुभन्दा अगाडि मतदान केन्द्रको ३०० मिटर वरिपरि राखिएका चुनाव प्रचारप्रसारका सामग्री हटाउनुपर्नेछ । पहिलो चरणको चुनावको मौन अवधि लागू भइरह“दा दोस्रो चरणमा मंसिर २१ गते चुनाव हुने ४५ जिल्लामा भने चुनावी प्रचारप्रसार गर्न पाइनेछ । तर, राष्ट्रिय सञ्चार माध्यमहरुलाई भने दोस्रो चरणको चुनावका लागि पनि आचार संहिता लाग्ने छ । हिजोदेखि मतदान केन्द्रको व्यवस्थापनको काम सुरु हुने प्रवक्ता ढकालले जानकारी दिनुभयो । पहिलो चरणको निर्वाचनका लागि झण्डै ४५ हजार कर्मचारी र ८० हजारभन्दा बढी सुरक्षाकर्मी परिचालन गरिएको आयोगले जनाएको छ । चुनावका लागि नेपाल प्रहरी, सशस्त्र प्रहरी र नेपाली सेनाको तीन घेरामा सुरक्षाकर्मी परिचालन भएका गृह मन्त्रालयले जनाएको छ । प्रतिनिधिसभा र प्रदेशसभाको पहिलो चरणको चुनावका लागि ३२ जिल्लाका ३७ निर्वाचन क्षेत्रमा मंसिर १० गते मतदान हु“दैछ । प्रतिनिधिसभाका ३७ र प्रदेशसभाका ७४ सिटका लागि हुने पहिलो चरणको चुनावमा ३१ लाख ९१ हजार ९ सय ४५ जना मतदाता रहेको निर्वाचन अयोगले जनाएको छ ।

आउँदो आइतबार मतदान हुने ३२ जिल्लाका शैक्षिक संस्था हिजोदेखि बन्द भएका छन् । चुनावका लागि जिल्लाका सार्वजनिक तथा संस्थागत विद्यालय र क्याम्पस हिजोदेखि ४ दिन बन्द रहने सरकारले जनाएको छ । दोस्रो चरणमा चुनाव हुने ४५ जिल्लामा आउ“दो १८ देखि २१ गतेसम्म शैक्षिक संस्था बन्द हुनेछन् ।