काठमाण्डौं, ८ मंसिर । निर्वाचन आयोगले पहिलो चरणमा आउँदो आइतबार मतदान हुने निर्वाचन क्षेत्रमा आज र भोली मतदाता परिचयपत्र वितरण गर्ने जनाएको छ ।

आयोगले स्थानीय तहको निर्वाचनमा मतदाता परिचयपत्र लिन बाँकी रहेका तथा गएको भदौ ३ गतेसम्म मतदाता नामावलीमा नाम दर्ता गराएकालाई मतदाता परिचयपत्र वितरण गर्न लागिएको जनाएको छ । यस्तै भदौ ५ गते १८ वर्ष पूरा गरेका एंव नामावली सार्न र सच्याउन निवेदन दिएकाले पनि आज र भोली मतदाता परिचयपत्र लिन सक्नेछन् । स्थानीय तहको निर्वाचनमा मतदाता परिचयपत्र लिइसकेकाले भने त्यहि परिचयपत्रको आधारमा मतदान गर्न पाउने आयोगले जनाएको छ । परिचयपत्र सम्बन्धित मतदान केन्द्रबाट लिन सकिनेछ । त्यसको लागि सकेसम्म मतदाता आफैं जानुपर्ने छ । मतदाता परिचयपत्र लिन आफैं जान नसकने अवस्थामा घरको परिवारको सदस्य भएको यकिन गरी परिवारका सदस्यलाई परिचयपत्र दिने व्यवस्था गरिएको आयोगले जनाएको छ ।