काठमाडौ, २९ माघ । अमेरिकी सहयोग निकाय एमसीसीबारे जनस्तरमा अपब्याख्या भइरहेको भन्दै सत्तारुढ नेपाल कम्युनिस्ट पार्टीका सांसदले संसदमा बेलैमा छलफल गर्न माग गर्नुभएकोे छ ।

बुधबार प्रतिनिधिसभाको विशेष समयमा बोल्दै सांसद गजेन्द्रबहादुर महतले भन्नुभयो एमसिसि बारे तल अपब्याख्या भइरहेको छ । नेगेटिभ मात्र आइरहेको छ’ ‘हामी निर्णयमा जाने बेलासम्म ढिला भइसक्छ । त्यसैले यसलाई नजर अन्दाज नगरियोस् । ’जनस्तरमा एमसीसीबारे नकारात्मक भावना फैलाउने काम भएकाले बेलैमा सही ब्याख्या दिन नसके निर्णय गर्ने बेला ढिला गर्न नहुने बताउनुभएको छ । एमसीसीको भाइरस तलतल पुगेको छ । अनावश्यक युट्युबमा हालेर बुट बजारेको, बन्दुक हानेको, क्षेप्यास्त्र हानेको दृश्य देखाइएको छ’ सांसद महतले भन्नुभयो

एमसीसीबारे नेपालमा भइरहेको बहस तथा छलफललाई चीनमा फैलिएको कोरोना भाइरससँग तुलना गर्नुभएको छ । सांसद महतले समयमा नै संसदमा छलफल भएर उचित ब्याख्या दिन नसके एमसीसीविरुद्धको भ्रम चिर्नं कठिन हुने बताउनुभयो ।