काठमाडौं, २७ पुस । प्रतिनिधिसभाकी उपसभामुख शिवमाया तुम्बाहाङफेले पहिला सभामुखको टुंगो लगाएपछि मात्र आफुले उपसभामुखवाट राजिनामा गर्ने सर्त पार्टीका दुई अध्यक्षलाई राख्नुभएको छ । प्रधानमन्त्री केपी शर्मा ओली र अध्यक्ष पुष्पकमल दाहाल प्रचण्डले राजिनामा गर्न दिएको दवाव पछि शिवमायाले यस्तो सर्त राख्नुभएको हो । उहाँले राजीनामा अघि सभामुखको टुंगो लगाउन दुई अध्यक्षलाइ आग्रह समेत गर्नुभएको थियो । सभामुखको टुंगो नलाग्दै आफुले पनि राजिनामा दिँदा संसद कानुनी संकटमा पर्ने भन्दै यस्तो सर्त राख्नुभएको हो। नेकपाले शिवमायालाई पटक पटक राजिनामा दिन आग्रह गर्दै आएको छ । प्रधानमन्त्री ओलीले पनि उहाँलाई भेट्न बोलाएर राजिनामा दिन निर्देशन दिनुभएको थियो । सचिवालय बैठकवाट राजिनामा गराउने निर्णय भएपछि तुम्बाहाङफेले शनिबार प्रधानमन्त्री ओली र अध्यक्ष प्रचण्ड भेट्न बालुवाटार पुग्नुभएको थियो। बालुवाटारमा भएको भेटमा राजीनामा भन्दा पहिला सभामुखको टुंगो लगाउन आग्रह समेत गर्नुभयो।

बालुवाटारमै बोलाएर उपसभामुखकै कारण संसद बन्धक भएको भन्दै प्रधानमन्त्री र पार्टी अध्यक्षले राजीनामा दिन आग्रह गर्नुभयो हो ।
स‌ंसदको हिउँदै अधिवेशन पुस ४ गते प्रारम्भ भए पनि सभामुखको टुंगो नलाग्दा संसद नियमित बिजनेसमा प्रवेश गर्न पाएको छैन । पुस ११ र १६ गते बोलाइएका बैठक पनि सभामुखको टुंगो नलाग्दा स्थगित भएको थियो ।