काठमाडौँ, १८ पुस । सत्तारुढ नेकपाको सचिवालय बैठक बालुवाटारमा बसिरहेको छ। प्रधानमन्त्रीको सरकारी निवास बालुवाटारमा शुक्रबार बिहान ८ : ३० बजेबाट बैठक सुरु भएको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
बैठकमा राष्ट्रिय सभाका उम्मेद्वार छनोट, सभामुख चयन लगायतका विषयमा छलफल हुने नेकपाका एक सचिवालय सदस्यले जानकारी दिए।
राष्ट्रियसभा सांसदका लागि सिफारिश गर्ने नामको विषयमा नेकपामा सहमती जुटेको छैन। यस विषयमा बिहीबारको बैठकमा पनि छलफल भएको थियो। आगामी माघ ९ गते हुने राष्ट्रिय सभाका रिक्त १८ सदस्य पदको निर्वाचनका लागि पुस २० गते मनोनयन दर्ता गर्ने कार्यतालिका छ। नेकपाले प्रदेश २ मा राजपासँग २/२ सिटमा तालमेल गर्ने निर्णय गरेको छ।
प्रतिक्रिया दिनुहोस्