काठमाडौं, १४ पुस । नेपालमा भ्रमण वर्ष २०२० को काउन्डाउन सुरु भएको छ । भ्रमण वर्ष उदघाटन कार्यक्रमको औपचारिक दिन आउन केही बांकी छ । सरकारले २० लाख पर्यटक भित्र्यउन भन्दै प्रचारात्मक अभियानमा जुटेको छ । भ्रमण वर्ष सफल बनाउने उदघोष गर्दै कस्सिएको सरकारले आवस्यक पूर्वाधारमा ध्यान पर्याप्त दिन सकेको छैन ।

२० लाख पर्यटन भित्राउने भन्दै सरकारले विभिन्न सरोकारवालासंग छलफल चलाएको मात्रै छैन । विभिन्न समितिमार्फत देश व्यापी अभियानमा सरकार जुटेको छ । राष्ट्रिय मात्रै होइन, अन्तराष्ट्रिय फोरममा समेत भ्रमण वर्षको कार्यक्रममा सरकार सक्रिय देखिएको छ । सन २०११ को पर्यटन वर्षमा सरकारले १० लाख पर्यटक भित्र्याउने प्रक्षेपण गरेको थियो । सरकारी प्रक्षेपणले लक्ष्य हासिल गर्न सकेन । ७ लाख ३६ हजार पर्यटकले नेपाल भ्रमण गरेका हुन् । सन २०२० मा सरकारले २० लाख पर्यटक भित्र्याउन भन्दै विविध कार्यक्रम गर्दै आएको छ । पर्यटनको लागि गन्तव्य, पहुच र बन्दोबस्त मुख्य पक्ष हुन् । तर, प्रचारमा सरकार जति सक्रिय देखिएपनि पूर्वाधारको प्रश्न टाउको दुखाइको विषय छ ।
बन्दाबस्तको क्षमता सरकारी प्रतिवेदन अनुसार १२ लाख पर्यटकको भनिएपनि निजी क्षेत्रले २५ लाख पर्यटकलाई होटेल हस्पिटालिटीको सेवा दिन सक्षम रहेको दाबी गरेका छन् ।
नयां एक सय गन्तव्यका लागि समेत प्रतिगन्तव्य १ करोडका दरले खर्च गरेको छ । स्थानीय सरकारको भरमा पूर्वाधारमा नयां गन्तव्यमा पनि सन्तोषजनक काम हुन नसकेको तीतो अनुभव छ । यद्यपी सरकारले भौतिक पुर्वधारलाई जोड दिए जस्तो देखिन्छ । तर सहज र सुविधा भने कठिन छ । नेपाल विश्वमा घुम्नुपर्ने देश भित्र टप टेनमै परेको छ ।

नेपालमा ६ सय भन्दा बढी नदीनाला, ८ वटा अग्ला हिमाल बिश्व प्रसिद्ध छन । पर्यटकीय विविधतालेसमेत नेपालको प्राकृतिक सौन्दर्यको वयान गर्ने शब्दहरु निकै कम छन । भ्रमण वर्ष सुरुहुन केहिदिन बाकि रहदा काम भने सुस्त गतिमा छ । एउटा महोत्सवकै रुपमा भ्रमण वर्ष मनाउनु पर्ने भएतापनि भ्रमणवर्षले अपेक्षा गरे अनुसार लक्ष्य हासिल गर्न गाहो छ । तर, सरकारले लक्ष्य हासिल गर्ने दाबी गर्दै आएको छ । दश वर्षमा एक करोड विदेशी पर्यटक भित्र्याउने सरकारी महत्वकांक्षी लक्ष्य छ ।

नेपाल आउने धेरै पर्यटकको पहिलो गन्तव्य हो काठमाडौ । काठमाडौमा धरै पर्यटकले भोक्दै अँएको समस्या हो धुवा, धुलो, फोहोर । जसको कारण पर्यटकहरुलाई पहिलो प्रभाव नै नेपाल प्रति नकरात्मक पर्न जाने निश्चित छ । २० लाख पर्यटन नेपालमा ल्याउने उदेश्यका लागि घोषणा गरिएको भ्रमण वर्ष सुरु गरेपनि पर्यटकिय क्षेत्रको वातावरणकामा ध्यान दिन सकेको छौन ।