काठमाडौं, ३०  मंसिर। काठमाडौंलाई धूलोमुक्त बनाउन केही समय यता सडक बढार्न ब्रुमरले प्रयोग गर्ने गरिएको छ ।

‘ब्रुमरले बढारेको सडक रे, सास फेर्नै गाह्रो हुने गरी धुलो उडिरहेको छ । उफ ?,’ आइतवार दिउँसो सुन्धारामा हिँडिरहेकी रुक्मिणा केसी भनिरहेकी थिइन् । मास्क र चस्मा लगाएर हिँडिरहेकी तर अगाडि उडेको धुलो हेर्दै निराशा र आक्रोश पोखिरहेकी थिइन् ।

काठमाडौं महानगरपालिकाले ब्रमुरमार्फत सडक सफा गरिरहेको छ । केही ठाउँमा धुलो कम पनि भएको छ भने केही ठाउँको अवस्था पहिलेको जस्तै छ । विशेषगरी, निर्माण कार्य भइरहेका स्थान आसपासका सडकमा धुलो घटेको छैन । ब्रुमरको प्रयोगले सडकको धुलो त कम हुन सकेको छैन नै बरु ब्रुमरले संकलन गरेको धुलोको उचित व्यवस्थापन नहुँन नयाँ समस्या थपिएको छ ।

काठमाडौंका सडकलाई धुलोमुक्त बनाउन हरेक दिन ब्रुमरले सडक बढार्ने गर्दछ । दैनिक रातिको ८ बजे देखि बिहान ४ बजेसम्म सडक सफा गर्ने गरेको छ । सडक सफा गर्नेका लागि काठमाडौं महानगरपालिकाले ७ वटा बु्रमरहरु प्रयोग गर्ने गरेको छ । काठमाडौं उपत्यकाका सडकहरु सबै कालो पत्रे भएका छैनन् । सडकको छेउछाउमा खाल्डाखुल्डी र निर्माण सामाग्रीहरु भएका कारण सडक दैनिक बु्रमरले बढारे पनि सफा हुन सकेको छन् । सडक कालो पत्रे नहुदा ब्रुमरले धुलो बढार्ने गर्छ तर सडक केही समय यता सडक बढार्न ब्रुमर प्रयोग गर्ने गरिएको छ । ब्रुमर लगाएमात्र स्वच्छ सफा महानगर बन्दै यसको धुलोको व्यवस्थापन सगै सडकको स्तर उन्नती गरिनुपर्छ नत्र दिन भर करायो दक्षिणा हरायो उखान चरितार्थ हुन सक्छ । यसबारे महानगरले समयमै ध्यान दिन आवश्यक छ ।