बाजुरा, ४ साउन । बाजुरा जिल्लाको पुर्वीउत्तरी भेगमा रहेको स्वामीकार्तिक खापर गाउँपालिका १ साप्पाटामा आज विहाना भीरबाट लडेर एक महिलाको मृत्यु भएको छ ।
मृत्यु हुनेमा वडा १ की २७ वर्षीया लक्षु वि।क। रहेका छन ।
विहान ७ः०० बजे घरबाट गाईगोरुलाई राताखाली भन्ने मेलामा घाँस काट्न गएका बेला भिरबाट लडेर मृत्यु भएको वडा न १ का अध्यक्ष जनक बहादुर रोकायाले बताए ।
उक्त मेलामा घाँस काटिरहेका बेला गोडा चिप्लिएपछि भीरबाट लडेर मृत्यु भएको मृतकका श्रीमान असारे वि।क।ले बताए । मृतकका तीन छोरा र एक छोरी सहारा विहिन बनेका छन् ।
प्रहरीलाई खवर गरेको भएपनि घटनास्थल पुग्न अझै २ घण्टा लाग्ने स्थानीयले बताएका छन् । कर्णाली नदीको पारी रहेको उक्त वडामा पैदल यात्रा गरेर जान निकै असहज रहेको जिल्ला प्रहरी कार्यालय बाजुराले बताए ।
प्रतिक्रिया दिनुहोस्