सिरहा, १७ बैशाख । सिरहाको लहान नगरपालिका वडा नम्बर –१९ बाट प्रतिवन्धित लागु औषध दुईजना प्रक्राउ परेका छन् ।

पक्राउ पर्नेमा सिरहा लहान नगरपालिका वडा नम्बर – ३ का २६ बर्षका प्रबिन कुमार यादव र नम्बर – ८ बस्ने अर्जुन कुमार महतो रहेको प्रहरीले जनाएको छ ।

सशस्त्र प्रहरी बल लहानबाट डिएसपिको कमान्डमा खटिएको गस्तीटोलीले लहान नगरपालिका वडा नम्बर –१९ गाढामा चेकजाँच गर्ने क्रममा भारतको लोकहा ठाडी बाट लहान तर्फ आउदै गरेको स ७ प ९३९१ नम्बरको मोटरसाइकलमा जिल्ला लाई पक्राउ गरेको सशस्त्र प्रहरी बल लहानका डिएसपि रावलले बताउनु भयो ।

पक्राउ परेका यादव र महतोको साथबाट नोफिनः २२२ बोतल, डाइजेल्याबः २०२ बोतल तथा फेनारगनः २३८ बोतलसमेत जम्मा ६६२ बोतल प्रतिबन्धित लागु औषध र स ७ प ९३९१ नम्बरको मो.स १ थान समेत बरामद गरेको सशस्त्र प्रहरी बल लहानले जनाएको छ । पक्राउ परेका यादव र महतोलाई आवश्यक अनुसन्धान तथा कारबाहीको लागि ईलाका प्रहरी कार्यालय लहान पठाइएको प्रहरी बताउनु भयो ।