बझाङ , ५ चैत । अवैध रुपमा राखेका हातहतियार बुझाउन जिल्ला प्रशासन कार्यालय बझाङले आग्रह गरेको छ । जिल्ला प्रशासनकार्यालय बझाङले हतियार बुझाउन गरेको आग्रहलाई अटेर गरी नबुझाएमा अवैध हातहतियार तथा खरखजनासम्बन्धी प्रचलित मुद्दा चलाउने जिल्ला प्रशासन कार्यालय बझाङले जनाएको छ । एक सूचना प्रकाशित गदै उक्त कुरा बताएको हो ।

कानुनबमोजिम लिनुपर्ने,इजाजत,नलिएको,इजाजतपत्र नवीकरण नगरीएको, इजाजतपत्र प्राप्त व्यक्तिको मृत्यु पश्चात हकवालको नाममा नामसारी नगराएको वा अन्य व्यक्तिले पनि हातहतियार तथा खरखजना राखेको भए तत्काल जिल्ला प्रशासनमा बुझाउन आग्रह गरिएको बझाङका सहायक जिल्ला अधिकारी शिवराज जोशीले जानकारी दिनुभयो ।

उहाँले भन्नुभयो, ‘अवैध रुपमा राखिएका हतियार बुझाउन आग्रह गरेका छौँ, नबुझाए कानुनबमोजिम कारबाही हुने छ , अवैध रुपमा राखिएका हातहतियारहरु नजिकको प्रहरी चौकी, जिल्ला प्रहरी कार्यालय वा नेपाली सेनाको ब्यारेकमा अनिवार्य रुपमा बुझाउन जिल्ला प्रशासनले आग्रह गरेको हो ।