जेठ ७ – नेपालका क्रिकेटर सन्दीप लामिछाने आईपीएल क्रिकेटको बलिङ इकोनोमीमा पाँचौ नम्बरमा पुगेका छन् ।
तीन खेलबाट ६ दशमलव ८३ को इकोनोमीसहित सन्दीप पाँचौ नम्बरमा परेका हुन् । सन्दीपले ३ खेलका १२ ओभरबाट ८२ रन दिएका थिए । आफ्नो पहिलो खेलपछि तेश्रो स्थानमा र दोश्रो खेलपछि पहिलो नम्बरमै पुगेका सन्दीप तेश्रो खेलमा ३६ रन दिएपछि केही तल झरेका हुन् ।
इकोनोमीका आधारमा चेन्नईका लुङ्गी एन्गिडी पहिलो नम्बरमा छन् । उनको इकोनोमी ६ दशमलब ३१ छ । दोश्रो नम्बरमा राजस्थानका इश सोधी, तेश्रोमा राजस्थानकै डी आर्की शर्ट र चौथोमा हैदराबादका सन्दीप शर्मा छन् ।
बलिङ औसतमा पनि पाँचौ
बलिङ औसतका आधारमा पनि सन्दीप पाँचौ स्थानमै छन् । ३ खेलबाट ५ विकेट लिएका उनको औसत १६ दशमलब ४० छ ।
प्रतिक्रिया दिनुहोस्