काठमाडौं, १४ बैशाख । घानाका राष्ट्रपति जोन ड्रमानी महामाले देशको राष्ट्रिय कृत्रिम बुद्धिमत्ता रणनीति सार्वजनिक गर्दै यस क्षेत्रको विकासलाई तिब्रता दिन २७ करोड अमेरिकी डलर विनियोजन गर्ने घोषणा गर्नुभएको छ । महामाले यो लगानी महत्त्वपूर्ण पूर्वाधारको विकास र रणनीतिका अन्य पक्षहरूको कार्यान्वयनमा खर्च गरिने बताउनु भयो । जसले घानालाई अफ्रिकाको प्रमुख डिजिटल नवाचार केन्द्रको रूपमा स्थापित गर्नेछ । उहाँले यस वर्ष वान मिलियन कोडर्स प्रोग्रामअन्तर्गत ३ लाख घानावासीहरूलाई तालिम दिइने बताउनु भयो । जसमार्फत देशभर डिजिटल र कृत्रिम बुद्धिमत्ता सीपहरू निर्माण गर्ने प्रयास गरिनेछ। यो कार्यक्रम युवा घानावासीहरूलाई ठूलो स्तरमा व्यावहारिक डिजिटल र सीपहरू प्रदान गर्न र साथै नवाचार र उद्यमशीलतालाई प्रवद्र्धन गर्न डिजाइन गरिएको हो । 
युनेस्कोका देश प्रतिनिधि एडमन्ड मुकालाले घाना सरकारको यस पहलको प्रशंसा गर्नुभयो ।