काठमाडौ ११ असार । चीनको दक्षिणपश्चिममा आएको बाढीका कारण ८० हजार जनाभन्दा धेरै विस्थापित भएका छन् । दक्षिणपश्चिम गुइझोउ प्रान्तमा हिजो दिउँसोसम्म झन्डै ८० हजार ९ सय जनालाई सुरक्षित ठाउँमा सारिएको चिनियाँ समाचार संस्था सिन्ह्वाले जनाएको छ ।

रोङजियाङ काउन्टीमा एउटा फुटबल मैदान ‘तीन मिटर पानीमुनि डुबेको’ छ । बाढीले छिमेकी गुआङ्सी क्षेत्रमा पनि असर पारेको छ । ठूलो वर्षाका कारण मध्य चिनियाँ प्रान्त हुनानमा गएको हप्ता १०औं हजार मानिसलाई सुरक्षित स्थानमा सारिएको थियो । टाइफुन वुटिपका कारण आएको बाढीपछि केही दिनअघि नै दक्षिणी चीनमा झन्डै ७० हजार मानिस विस्थापित भएका थिए ।

चिनियाँ अधिकारीहरूले गएको हप्ता ६ वटा क्षेत्रमा पहाडी बाढीका लागि वर्षको पहिलो रातो चेतावनी जारी गरेका थिए । हरितगृह ग्यास उत्सर्जनले बढाएको जलवायु परिवर्तनले यस्ता चरम मौसमी घटनाहरू भइरहेका वैज्ञानिकहरूलाई उद्धृत गर्दै खबरमा उल्लेख छ ।

गएको वर्ष चीनको रेकर्डमा सबैभन्दा तातो थियो र पछिल्लो चार वर्ष अहिलेसम्मकै सबैभन्दा तातो थियो । चीन विश्वको सबैभन्दा ठूलो हरितगृह ग्यास उत्सर्जक हो तर नवीकरणीय ऊर्जाको पावरहाउस पनि हो । चीनले सन् २०६० सम्ममा कार्बन डाइअक्साइड उत्सर्जनलाई शुद्ध शून्यमा कटौती गर्न खोजेको छ ।