काठमाडौं २ असार । इरानको सरकारी टेलिभिजन नेटवर्कमाथि इजरायली लक्षित हमला भएको छ ।

नेटवर्कले प्रसारण गरेको फुटेजमा एक महिला प्रस्तोताले प्रत्यक्ष प्रसारण गरिरहेको बेला ठूलो विस्फोटको आवाज सुनिएको थियो।

इरानी विद्यार्थी समाचार एजेन्सी आइएसएनए का अनुसार, उक्त च्यानलको प्रसारण हाल सामान्य अवस्थामा फर्किएको छ।

मेहर न्यूज एजेन्सीले जनाएअनुसार, इरानी प्रसारण प्रणालीकी प्रस्तोता साहार इमामी हाल समाचार नेटवर्कको प्रत्यक्ष प्रसारणमा फर्किएकी छन्।

यो हमला इजरायली रक्षा मन्त्री इस्राइल काट्जले आज बिहान दिएको चेतावनीपश्चात भएको हो। उनले भनेका थिए, ूइरानी प्रचार र उक्साहटको मुखपत्र लोप हुने अवस्थामा छ। नजिकैका बासिन्दाहरूको निकासी शुरू भएको छ।ू

इरानको सरकारी प्रसारक, आइआरआइबी, मानिसहरु खाली गराउन चेतावनी दिइएको क्षेत्रमा रहेको छ।

इरानको सरकारी टेलिभिजनमाथि हमला
यो त्यो क्षण हो जब इरानको सरकारी टेलिभिजनको प्रत्यक्ष प्रसारणमा विस्फोटले हल्लायो।