काठमाडौं २ असार । सोमबार साँझ इजरायली बम बर्षक विमानले इरानको सरकारी टेलिभिजन भवनमा ठूलो विस्फोट गराएको सरकारी टेलिभिजन प्रसारण भइरहेका बेलाको दृश्य बाहिर आएको छ ।

इजरायलले इरानी राजधानी तेहरानका बासिन्दाहरूलाई आसन्न हमलाहरूको चेतावनी दिए लगत्तै यस्तो आक्रमण भएको हो । तेहरान वरपर धेरै विस्फोटहरूको आवाज सुनिएको विभिन्न सन्चार माध्यमले ननाएका छन् ।
इरानले इजरायलमाथि नयाँ लहरको ब्यालिस्टिक मिसाइल हमलाहरू शुरू गरेको छ—जसमा तेल अवीव र हाइफा पनि रहेका छन् । इजरायली सेनाले इरानी राजधानी तेहरानमा फेरि बमबारी गरेको केही घण्टापछि कम्तीमा आठ जनाको मृत्यु भएको छ।
इजरायलको हमलाबाट इरानमा मृत्यु हुनेको संख्या २२० भन्दा बढी पुगेको छ ।
यो इजरायल–इरान द्वन्द्वको बढ्दो तनावले क्षेत्रीय अस्थिरताको जोखिमलाई थप गहिरो बनाएको छ । दुवै पक्षले थप हमलाहरूको धम्की दिइरहेका छन्।