काठमाडौं, ११ फागुन । बिहीबार काठमाडौँ उपत्यकामा भएको वर्षा उपत्यकाका लागि यस वर्षकै ठूलो हिउँदे वर्षा भएको मौसमविद्ले बताएका छन्।मौसम पूर्वानुमान महाशाखाकी मौसमविद् शान्ति कँडेलका अनुसार बिहीबार उपत्यकामा परेको पानी यस ठाउँका लागि हिउँदयताकै ठूलो वर्षा हो।
‘काठमाडौँ उपत्यकामा बिहीबार ७.८ मिलिमिटर वर्षा भएको छ, यो उपत्यकाका लागि यस वर्षकै ठूलो हिउँदे वर्षा हो’, उनले भनिन्, ‘यसअघि छिटपुट मात्र पानी परेको थियो।’त्यसो त बिहीबारको वर्षा देशभरकै लागि यो वर्षको ठूलो हिउँदे वर्षा हो।
प्रतिक्रिया दिनुहोस्