काठमाडौं १९ असार । काठमाडौं महानगरपालिकाले हनुमानढोका परिसरभित्र सवारीसाधन निषेध गरेको छ।
परिसरको मौलिकता, सौन्दर्य र वातावरण शान्त, स्वच्छ र सुरम्य हुन आवश्यक रहेको भन्दै महानगरले उक्त क्षेत्रभित्र सवारीसाधनलाई निषेध गरेको हो।
काठमाडौं मुख्यतः प्राचीन र ऐतिहासिक कालीगढीको उदाहरण भएको र यहाँको पहिचान भनेकै यहाँका सम्पदा भएको भन्दै महानगरका मेयर बालेन शाहले उक्त निर्णय गरिएको जानकारी दिए।
‘विश्वलाई गौरवसाथ देखाउन सक्ने, हामीले शानसँग व्यवसायिकता अँगाल्न सक्ने भनेकै यिनै सम्पदा र यिनको प्राचीन मौलिकता पनि हुन्। यहि हेर्न, अनुभव गर्न र रमाउन लाखौँ पर्यटकहरु आउन सक्छन्,’ उनले भनेका छन्, ‘यसैले हनुमानढोका परिसरभित्र सवारीसाधनहरूलाई निषेध गरिएको छ।’
प्रतिक्रिया दिनुहोस्