काठमाडौँ १३ अससार । प्रमुख प्रतिपक्षी दलका नेता तथा पूर्व प्रधानमन्त्री केपी शर्मा ओलीले सरकारमाथि संसदको विश्वास घटेको बताएका छन् । प्रतिनिधिसभाले पहिलो पटक मत विभाजनमार्फत बजेट अनुमोदन गरेपछि प्रतिक्रिया व्यक्त गर्दै प्रमुख प्रतिपक्षी दल नेता ओलीले ९९ प्रतिशत समर्थन रहेको सरकारको समर्थन घटेर ५३ प्रतिशत बनेको बताए ।

‘सरकारमाथिको विश्वासमा पहिले ९९.९९ प्रतिशत थियो । अहिले ५३ प्रतिशतमा घट्यो । के भन्दा के हुनुपर्‍यो ? ओलीले भने । प्रतिनिधिसभाको बैठकमा एमालेले विनियोजन विधयकमाथि मत विभाजन मागेपछि मतदान भएको थियो । पक्षमा १ सय ४७ र विपक्षीमा १ सय ८ मत परेको थियो । संसदले पहिलो पटक मत विभाजनमार्फत आर्थिक विनियोजन विधेयक पारित गरेको हो ।

मत विभाजन गर्दा सभामुखले विचित्र रबैया देखाए । पहिले ध्वनि मतका आधारमा बजेट पारित भएको घोषणा गरेको सभामुख घिमिरेले उनको पूर्व पार्टी एमालेका सचेतकले मत विभाजन माग्ने वित्तिकै त्यसै गर्न रुलिंग गरे । ०४८ सालपछि पहिलो पटक मत विभाजनबाट बजेट पारित हुन पुगेको छ । त्यो पनि दुईपटक । पहिले ध्वनिमतले बजेट पारित भएको घोषणा गरे । पछि मत विभाजनबाट बहुमत प्राप्त गरेर बजेट पारित भयो ।