काठमाडौं २८ मंसिर । नेकपा एमालेका अध्यक्ष केपी शर्मा ओली र नेकपा माओवादी केन्द्रका महासचिव देव गुरुङबीच भेटवार्ता भएको छ ।

मंगलबार आफूले ओलीलाई चुनावमा राम्रो नतिजा ल्याएकामा बधाई दिएको महासचिव गुरुङले बताए । त्यस अवसरमा समसामयिक विषयमा सामान्य कुराकानी भएको उनको भनाइ छ ।

‘सरकार गठनको वैधानिक प्रक्रिया सुरु भएको छैन । त्यसकारण यसबीचमा हुने भेटघाट बधाई दिनेमै केन्द्रित हुन्छन्’ गुरुंगले भने ।

माओवादी अध्यक्ष पुष्पकमल दाहाल प्रचण्डले ओलीलाई भेटेरै बधाई दिन महासचिव गुरुङलाई पठाएका हुन् । यसअघि एमाले अध्यक्ष ओलीले माओवादी अध्यक्ष प्रचण्डलाई फोन गरेर बधाई दिएका थिए । यो बीचमा एमाले र माओवादीका दोस्रो तहका नेताहरुबीच भने वाक्लै भेट वार्ता भइरहेका छन् । स्रोतका अुनसार गुरुंगलाई ओलीले तपाईंहरु कतिन्जेल शेर बहादुर देउवालाई बोक्नु हुन्छ, अब पनि थाक्नु भएन भन्ने हिसाबले दुई वाम मिल्नु पर्ने गरी कुरा गरेका थिए । जबाफमा गुरुंगले सवै स्थिति तपाईले विगारेको भन्ने हाम्रो बुझाई रहेकाले तपाईले नै विगतका विवादका विषयमा स्पष्ट गर्ने वित्तिकै दुई दल मिल्न सहज हुनेबताएका थिए ।
नेपाली कांग्रेसले गैरवामपन्थी गठबन्धन सरकार बनाउने कसरत गरेपछि दुई वाम दल नजिकन थालेका छन् ।