काठमाडौं ७ वैशख । सत्तारुढ गठबन्धनका दलहरुका बीचमा देशका ६ महानगर पालिका र ११ उपमहनगर पालिकामा साझा उमेदवार उठाउने भागवण्डा मिलेको छ । बुधबार प्रधानमन्त्री निवास बालुवाटारमा बसेको सत्तारूढ गठबन्धनका शिर्ष नेताकहरुको बैठकले ६ महानगर र ११ उपमहानगरमा भागबण्डा सहमाति जुटाएको छ ।

गठबन्धन बैठकले काँग्रेसलाई काठमाडौं, ललितपुर र विराटनगर महानगरपालिका प्रमुखको र वीरगञ्ज,भरतपुर र पोखरा महानगरपालिकामा उप मेयर पाउने भएको छ । त्यस्तै काँग्रेसलाई धरान, इटहरी, कलैया, बुटवल, तुलसीपुर, नेपालगञ्ज र धनगढी उपमहानगरपालिका प्रमुखमा प्रमुख पाउने भएको छ भने जितपुर सिमरा, हेटौंडा र घोराही उपमहानगरपालिकामा उपप्रमुख पाउने भएको छ ।

सत्ता गठबन्धनको दोस्रो ठूलो दल नेकपा माओवादी केन्द्रले भरतपुर महानगरपालिका प्रमुख र ललितपुर महानगरपालिकाको उपप्रमुख पाउने भएको छ ।

त्यस्तै माओवादी केन्द्रलाई जितपुर सिमरा र घोराही उपमहानगरपालिका प्रमुख र धरान र धनगढी उपमहानगरपालिकामा उपप्रमुख पाउने भएको छ ।
सत्तारुढ ५ दलमध्येका ४ दलका बीचमा मनपा र उपमनपाको नेतृत्वको भागवण्डा लगाइएको छ । राजमोलाई भने उसको हैसियत हेरेर वडा अध्यक्ष र सदस्यमा समेटिने माओवादी नेता वर्षामान पुनले बताए ।
सहमति पत्र यस्तो छ ।