काठमाडौं, १९ भदौ ।  एबीसी टेलिभिजन स्थापनाको १४ औं वर्षमा प्रवेश गरेको छ । यो समय छोटो होइन । तर, निरन्तर जनताको साथमा जनताकै लागि खर्चिएको १३ वर्षको अवधि निकै छोटो लागेको छ । जब पुरानो कामलाई मात्रै जस दिएर वर्तमानमा चल्न खोजिन्छ, तब छोटो समय पनि लामो लाग्न सक्छ । तर, हामी हिजो होइन, सधैंभर आज भनेर काम गर्दै आएका छौं । यही तौरतरिकामा जनताको माया र रचनात्मक साथले हामीलाई थप सशक्त बनाउँदै लगेको छ । एबीसीको सफलताको दर्विलो कडी नै यही हो ।

मुलुकमा नयां राजनीतिक कोर्षको शुभारम्भ हुदै गर्दा नेपालको टेलिभिजन जगतमा नया“ विचार , उत्साहसहित प्रस्तुतिमा नया“ स्वाद दिन दर्शकमाझ एबीसीको उदय भएको थियो । एबीसी गणतन्त्र नेपालको पहिलो न्यूज च्यानल हो । भूउपग्रह प्रणालीमार्फत प्रशारण सुरु गरेको एबीसीको मूल मन्त्र थियो, एक्युरेसी, व्यालेन्स, क्रेडिविलिटी, अनि अभियान थियो गाउँ, शहर र दुनिया“ ब्यूझाउने, जुन अहिले पनि निरन्तर जारी छ । २४ सै घण्टा समाचार र समाचारमूलक कार्यक्रमहरु प्रशारण निरन्तर छन् ।

परिवर्तनको चेतनालाई स्थिर राजनीतिको माध्यमबाट समृद्ध मुलुक निर्माण गर्न नयां अभिभारा बोकेर नेपाली टेलिभिजन आकाशमा फरक धारमा हिंड्दै आयौ, लाखौ दर्शकको असिम माया साथ र सहयोगबाट । संविधानसभाको पहिलो निर्वाचन लगत्तै दर्शकमाझ उपस्थित भएका हामी जहिल्यै फरक धारमा दौडियौं । अर्को हिसाबले भन्ने हो भने नयां गणतान्त्रिक चेतमा देशलाई अघि बढाउनु पर्छ भन्ने थिममा हामी हिंड्न रुचायौं । राष्ट्र र जनताको परिवर्तनका लागि नेताका बोली टिपेर घन्काउने होइन, राष्ट्रहित र जनहितका एजेण्डा उठाउन सक्नुपर्छ भन्ने सूत्र समातेको थियो एबीसीले । हो, राजनीतिक एजेण्डामा हामी जहिल्यै अग्रपंक्तिमा नै रह्यौं । यसो भनिरंहदा हामीले गर्व महसुस गरिरहेका छौं ।

जनप्रतिनिधिमूलक संस्था संविधानसभाबाट नया“ संविधान जारी भई देश संघीय प्रणलीमा गइसकेको छ । तीनै तहका निर्वाचन सफल बनाउन एबीसी देशभर जनताको आ“गनमा पुग्यो, सिंहदरबारलाई घच्घचायो । मुलुकमा सुशासन सहित समृद्ध लोकतन्त्रको लागि एबीसीले खबरदारी गर्दै आएको छ ।

भीर, कन्दरामा चिप्लिंदै एबीसीको बुम बोकेर हाम्रा रिपोर्टर लिपुलेकसम्म पुगेका छन् । जनजीविकाका सवालमा एबीसीको लोगो कहिल्यै अँध्यारोमा हराएन । हुम्ला, जुम्ला डोल्पाको खाद्य संकटदेखि, राज्यको राहतमा आएका चामलले लोकल ठर्रा बनाइएका दृश्य एबीसीले नै देखायो । धादिंगदेखि जुम्लाका नागरिक गडगडाइरहेको नदीमाथि तुइनमा झुण्डिएर जीवन धान्नु परेको व्यथा पनि सुनायौं हामीले । भूकम्पले ध्वंश गरेको अस्वाभाविक अवस्थामा हामी आफ्नै पीडाका घाउ दबाएर निरन्तर प्रसारण गर्न सफल भयौं । समाचार संकलनको पाटोस“गै पीडितलाई उद्धार र राहत सुविधामा एबीसीले अभियान चलायो । राहत सामाग्री बटुलेर पीडामा सहयोग गर्यो । काठमाडौं र पहाडको भुकम्पमात्रै होइन, तराइको विनाशकारी बाढीको पीडामा सबैभन्दा पहिले ग्राउन्ड जिरोबाट एबीसीले रिपोर्टिंग ग¥यो ।
एबीसी रिपोर्टिङको परिधि स्वदेशको चौघेरामा मात्र सीमित छैन । विश्वकै शीरमा अबस्थित मानसरोवरको ऐतिहासिकता अनि सौन्दर्यदेखि अमेरिकी चुनाबसम्मका विषयवस्तु एबीसीको स्थलगत रिपोटिङमा समेटिएका छन् । राष्ट्रप्रमुखको उच्चस्तरीय भ्रमणदेखि छिमेकी मुलुकका महत्वपूर्ण अवसरमा एबीसी पुग्नेगरेको छ । बिश्वब्यापी महामारी बन्दै गएको कोभिड १९ ले मुलुक आक्रान्त बनाइरहँदा हामी आफ्नो स्वास्थ्यलाई जोखिममा राख्दै आम जनतालाई सुसुचित बनाउने अभियानमा सक्रिय रहेका छौं । त्यसैले हामीले आमजनताको स्वास्थ्य र आधारभुत सवालमा सरकार समक्ष प्रश्न उठाउन दुईपटक कहिल्यै सोचेनौं ।

सत्य, तथ्य र विश्वसनीय काममा कहिल्यै नचुक्ने प्रतिवद्धता व्यक्त गरेका हामी, प्रविधिको प्रयोगस“गै बढीभन्दा बढी दर्शकको पह“ुचमा जाने प्रयास पनि जहिल्यै गरिरह्यौं । सुरु गरेका कामको निरन्तरता र नविन कामको सुरुवात एबीसी मिसन हो । सत्य, तथ्य र विश्वसनीयतामा हामी कहिल्यै चुक्दैनौं र नयाँ प्रयोगमा कहिल्यै पछि हट्दैनौं ।