काठमाडौँ, ३० असार । निर्वतमान प्रधानमन्त्री केपी शर्मा ओलीले बालुवाटारस्थित सरकारी निवास छाडेका छन् । कांग्रेस सभापति शेरबहादुर देउवा नयाँ प्रधानमन्त्रीमा नियुक्त भएपछि एमाले अध्यक्षसमेत रहेका ओलीले बालुवाटार छाडेका हुन् । बुधबार दिउँसो उनी एमालेका नेता–कार्यकर्ताको लावालश्करसहित बालुवाटारबाट बालकोट गएका हुन् । सोमबार सर्वोच्च अदालतले कांग्रेस सभापति देउवालाई प्रधानमन्त्रीमा नियुक्त गर्न परमादेश जारी गरेको थियो । निवर्तमान प्रधानमन्त्री ओलीले मंगलबार दिउँसो सिंहदरबारस्थित प्रधानमन्त्री तथा मन्त्रिपरिषद् कार्यालयबाट बिदाई सम्बोधन गरेका थिए ।
प्रतिक्रिया दिनुहोस्