काठमाडौं, १८ वैशाख । एमाले उपाध्यक्ष वामदेव गौतमले सबैले आफ्ना गल्ती स्वीकार गरेर नेपाली कम्युनिष्ट आन्दोलनलाई एकताबद्ध गर्नुपर्ने बताउनुभएको छ । १ सय ६२औं मजदुर दिवसका शनिबार विज्ञप्ति जारी गर्दै गौतमले श्रमजिवी वर्गका नेताहरुको सत्तास्वार्थ प्रेरित क्रियाकलापले श्रमजिवी वर्गीय आन्दोलन छियाछिया भएको भन्दै गौतमले कम्युनिष्ट एकतामा जोड दिनुभएको हो । मजदुर दिवसका दिन सबैले आफ्ना गल्ती कमजोरीप्रति आत्मालोचित हुँदै नेपाली कम्युनिस्ट आन्दोलनलाई पुनः एकताबद्ध गर्ने प्रतिबद्धता जनाउने दिन भएको समेत उहाँले बताउनुभएको छ । उहाले आफूबाट पनि केही गल्ती भएको भए त्यसप्रति आत्मालोचित हुन तयार रहेको प्रतिबद्धता जनाउनुभएको छ । नेताहरुले समयमै आत्मालोचना गर्न नसके मुलुकमा प्रतिगमन हुने र एतिहासिक उपलब्धी गुम्ने उहाँको भनाइ छ ।ऐतिहासिक उपलब्धी समाप्त हुनेछन्’, गौतमले भन्नुभएको छ ‘नेपालीको उज्ज्वल भविष्य जोडिएको सम्वृद्ध समाजवादमा पचासौं बर्षसम्म पर्दा लाग्नेछ ।’