बागलुङ, १७ असोज । बागलुङ बजार भित्र जाथाभाबि टागिएका तार र पोल हटाउने सरोकारवाला बिच भएको सहमति अनुसार नगर क्षेत्रभित्रका लथालिङ्ग तरिकाले टागिएका तार हटाउनु सुरु गरिएको छ ।

बागलुङ नगरलाई सुन्दर र सफा बनाउने उदेश्य साथ बागलुङ नगरपालिकाले बागलुङ बजार भित्र जथाभावी रूपमा बिना अनुमानि टागिएका निजी इन्टरनेट कम्पनीहरूका हटाउनु सुरु गरेको हो ।

नगरपालिका भित्र नेपाल बिधुत प्राधिकरण र नेपाल टेलिकमका पोलहरूमा बागलुङ केवल लगायत निजी क्षेत्रका बिभिन्न इन्टरनेट कम्पनीहरूले जथाभावी रूपमा टागिएका तार हटाउने निर्णय गरेको २ वर्षप तार हटाउन सुरु गरेको नगरपालिकाले जनाएको छ । नगर क्षेत्रभित्र अव्यवस्थित भएको तारका कारण सवारी दुर्घटना बढ्नुका साथै ट्राफिक व्यवस्थापनमा समस्या आएको थियो ।

नगरपालिकाले तार हटाउदा सहज हुने जिल्ला ट्राफिक प्रहरी कार्यालय बागलुङका प्रमुख शिव पाठकले बताउनुभयो । ढिलै भए पनि जथाभावी रूपमा टागिएका तार हटाउन शुरूवात गरेपछि यसले बागलुङको सुन्दरता र ट्राफिक व्यवस्थापनमा सहज हुने वडा सदस्य अर्जुन घिमिरेले बताउनुभयो । सुन्दर नगर बनाउने अभियानलाई सहयोग गर्न नेपाल टेलिकमले पुरानो तार हटाएर फाइबर जडान गरेको अब केही समय भित्र पुरानो तार हटेर बजार सुन्दर देखिने नेपाल टेलिकम बागलुङका प्रमुख केशव शर्माले बताउनुभयो ।

३ बर्ष देखि नेपाल टेलिकम र नेपाल बिधुत प्राधिकरणसंग सम्झौता नगरि बागलुङ केवल, गलकोट इन्टरनेट, वल्र्डलिकं इन्टरनेट, पोखरा इन्टरनेट लगायतका दर्जनौ इन्टरनेट सेवा प्रदायक कम्पनीहरूले बागलुङ जिल्लाभर मनपरि ढंगले पोलमा तार लगायतका सामाग्री प्रयोग गरिरहेको भनी पटकपटक पोलको भाडा तिर्न सुचना जारी गर्दा समेत अटेर गरिरहेका थिए ।

बागलुङ जिल्ला भित्र रहेका नेपाल बिधुत प्राधिकरणका पोलहरूमा बिना अनुमति कुनै पनि सम्झौता नगरि प्रयोग गरेका तार काट्ने अभियान ल्याएपछि निजि इन्टरनेट कम्पनीले दबाब काम रोक्न खोजेपनि नगरपालिकाले यसपटक तार र पोल हटाउन शुरूवात गरेको हो । शिबधारा चोकबाट सुरु गरिएको उक्त कार्य मुख्य बजारका करिब ५ सय हाराहारीमा रहेका पोल हटाएपछी सम्पन्न हुने बागलुङ नगरपालिकाले जनाएको छ ।