काठमाडौं, २० जेठ । मंगलबार देशभर थप २ सय ८८ जनामा कोरोना भाइरसको संक्रमण भेटिएको छ। स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार यीमध्ये ६ जना काठमाडौं उपत्यकामा रहेका व्यक्तिहरू रहेका छन् । डा देवकोटाका अनुसार काठमाडौं मेडिकल कलेजका ४ जना स्वास्थ्यकर्मीमा कोरोना संक्रमण पुष्टि भएको छ भने धादिङ घर भएर काठमाडौंको एक अस्पतालमा उपचाररत एक जना महिलामा समेत कोरोना संक्रमण पुष्टि भएको छ। यसैगरी भक्तपुर चाँगुनारायणका एक व्यक्तिमा समेत कोरोना संक्रमण भेटिएको छ।
प्रतिक्रिया दिनुहोस्