बर्दिया, ४ पुस ।  यो सातादेखि तराईका जिल्लाहरुमा सीतलहर चलिरहेको छ । शितलहरका कारण जनजिवन प्रभावित बनेको छ । बर्दियामा शितलहर चलेका कारण बजारमा मानिसको चहल पहल घटेको छ जसका काराण व्यापार व्यवसायमा समेत प्रत्यक्ष असर परेको छ ।

शितलहरका कारण किसानले खेतका लगाएको आलु र तोरी बालीमा समेत असर परेको छ । तराईका जिल्लाहरु विगत केहि दिनदेखि दिनभर चिसो हावा चल्नुका साथै घाम नलाग्दा हुस्सुले ढाकेको छ । स्थानिय निकायले शीतलहरबाट वच्नको लागी कुनै ठोस योजना बनाएको देखिदैन, विशेष गरी ग्रामिन भेगका मानिसहरु चिसोका कारण वढि प्रभावित भएका छन । वालवालिका जेष्ठ नागरिक अझ वढि प्रभावित बनेका छन । नगरपालिकाले कुनै ठोस योजना बनाउन नसकिरहेको अवस्थामा स्थानियवासीले बाटो हिडने बटुवा र आफुलाई समेत हुने गरी दाउरा किनेर बालिरहेका छन ।

त्यसो त, जिल्ला बिपद व्यवस्थापन समिति बर्दियाले शितलहर बाट हुन सक्ने सम्भावित क्षति न्युनिकरण गर्नका लागी पुर्व तयारी गरेको थियो । तर त्यो प्रभावकारी हुन सकिरहेको छैन । सरोकारवाला निकाय, स्थानिय तह, जिल्ला जनस्वास्थ्य कार्यालय , डिभिजन वन कार्यालय , नेपाल रेडक्रस सोसाइटि तथा मानविय सहयोगी संघ सस्थाहरुमा र विभिन्न सरकारी गैर सरकारी संघ सस्थाहरुलाई समेतको सहभागीतामा सहयोगको व्यवस्था मिलाउने निर्णय समेत गरिएको जिल्ला आपतकालिन कार्य संचालन केन्द्रका सयोजक रुपन ज्ञवाली बताउंछन् ।

तराई भु भागमा जाडोको अत्याधिक नकारात्मक असर पर्ने गर्दछ । जाडो तथा शितलहरले प्रत्येक वर्ष हजारौ मानिसलाई प्रभावित गर्दछ । धुलोको कणहरु सहित जाडोको तरगंले हावालाई चिसो पर्दछ । पुष महिनादेखि मध्य माघसम्म सबैभन्दा बढी जाडो हुनेगरेको छ । जमिनको सतहबाट २ सयदेखि ४ सय मिटरसम्म ढुसी तथा तुवालोले ढाक्दछ । यसकारण, विहानमा त भिजिविलिटी पनि निकै कम हुन्छ । तापक्रम १० देखि १५ डिग्री सेल्सियससम्म कम हुंदा कतिपय मानिसको हाइपोथर्मियाका कारण मृत्यु समेत हुन्छ ।

चिसो तथा शितलहरका कारण स्वासप्रस्वास, रुघाखोकि, निमोनिया जस्ता स्वास्थ सम्वन्धि समस्याबाट धेरै मानिसहरु विरामी पर्ने र केहि व्यक्तिको मृत्यु समेत हुने गरेको छ । यसबाट विशेष गरी बाल बालिका जेष्ठ नागरिक, सुत्केरी, गर्भवति शितलहरबाट सबैभन्दा बढी प्रभावित हुन्छन् । यसका साथै। बर्दियामा २०७१ र २०७४ सालको बाढिबाट प्रभावित भई हालसम्म पनि पुर्नस्थापना हुन नसकेका परिवार समेत शितलहरको जोखिममा परेका छन् । शितलहर बढेसंगै स्वास्थ्य संस्थामा बिरामीको चाप पनि बढदै गएको छ ।