धनुषा,  १ पुस ।  जनकपुरस्थित उच्च अदालतका एक न्यायाधीशकी सुरक्षा गार्डकै पेस्तोल लिएर उन्का प्रेमी भागेका छन् । न्यायाधीश सकुन्तला घिमिरेकी सुरक्षा गार्ड रहेकी प्रहरी जवान रनिताकुमारी केवटको पेस्तोल लिएर उन्काा प्रेमी भागेका हुन् ।

जिल्ला प्रहरी कार्यालय धनुषामा दरबन्दी भएकी प्रहरी जवान केवटको प्रेमी सिबेन्द्र यादवले पेस्तोल लिएर भागेको बताईएको छ । केवट जनकपुरधाम उपमहानगरपालिका–४ मा डेरी लिएर बस्दै आएकी थिइन् ।

पेस्तोल लिएर भागेका यादब नवलपुरासी देउडा ६ का बासिन्दा हुन् । यादवले लिएर भागेको पेस्तोलमा ७ राउण्ड गोली समेत लोड रहेको बताईएको छ । प्रहरी जवान केवटसँगै उनी केहि दिनदेखि डेरामा बस्दै आएका थिए । उनी कहिले भागेको विषयमा प्रहरीले बताउन चाहेका छैन ।

घटनापछि सुरक्षागार्ड केवटलाई जिल्ला जिल्ला प्रहरी कार्यालयमा तानिएको एक प्रहरी अधिकारीले बताए । जिल्ला प्रहरी कार्यालय धनुषाका प्रहरी प्रवक्ता तथा डिएसपी रामेश्वर कार्कीले उक्त घटना लुकाउने प्रयासगर्दै यस विषयमाकेही बताउन चाहेनंन ।
यता, प्रदेश प्रहरी कार्यालयका प्रवक्ता तथा डिएसपी ज्ञानकुमार महतोले भने सुरक्षागार्ड बसेकी प्रहरी जवान केवटको पेस्तोल हराएको सुच्ना आएको र हराएको अथ्वा लुकाएको कि पेस्तोललिएर कोहि भागेको विषयमा अनुस्नधान भैरहेको बताए ।

त्यस्तै जिल्ला प्रहरीकार्यालय धनुषाका एक ईन्सपेक्टरले भने, ‘प्रहरी जवान रनिता केवटसँग उन्का प्रेमी सिबेन्द्रको झगडा भएको बुझिएको छ र त्यसपछि पेस्तोल लिएर केटा भागेको प्रहरीको प्रारम्भीक अनुसन्धानबाट खुलेको जानकारी दिएको छ ।