काठमाडौं, १० मंसिर । प्रधानमन्त्री केपी शर्मा ओली अस्वस्थ भई अस्पताल भर्ना भएका कारण १३औंँ दक्षिण एसियाली खेलकुदमा सहभागी हुने खेलाडीलाई अर्थमन्त्री युवराज खतिवडाले सम्बोधन गर्ने हुुनुभएको छ ।
मंगलबार बिहान ११ बजे प्रधानमन्त्री केपी शर्मा ओलीले खेलाडीहरुलाई सम्बोधन गर्ने र त्यसपछि रंगशालाको निरीक्षण गर्ने कार्यक्रम तय भएको थियो । अस्पताल भर्ना भएका कारण उहाँको सट्टा अर्थमन्त्री खतिवडाले कार्यक्रम सम्बोधन गर्ने हुनुभएको हो ।
कार्यक्रममा खेलाडीका लागि पुरस्कारमा पनि विशेष प्याकेजको घोषणा गर्ने कार्यक्रम तय गरिएको छ। प्रधानमन्त्रीको सम्बोधनका लागि पोखरा तथा जनकपुर लगायतका ठाँउमा अभ्यासरत खेलाडी समेत काठमाडौँ आएका छन् ।
प्रतिक्रिया दिनुहोस्