काठमाडौं, ६ मंसिर । प्रधानमन्त्री केपी शर्मा ओलीले काठमाडौंका सडकका खाल्डाखुल्डी चार महिनाभित्र पुरी सक्न निर्देशन दिनु भएको छ ।पुनर्ग्ठित मन्त्रिपरिषद्को पहिलो बैठकपछि मन्त्री र सचिवहरूहरुलाई निर्देशन दिदै प्रधानमन्त्री ओलीले जसको जिम्मेवारी हो, उसले काम गर्नुपर्ने बताउनु भएको छ ।

काठमाडौंको खाल्डाको गीत कति सुन्ने भन्दै आगामी चौमासिकभित्र काठमाडौंका सबै खाल्डा समाप्त गर्न निर्देशन दिनु भएको छ । प्रधानमन्त्री ओलीले विकासका काममा सहकार्य र सहउपयोगको नीति लिएर योजना बनाउन मन्त्री र सचिवहरुलाई निर्देशन दिनु भएको हो ।मन्त्रालयबीचका समन्वयको अभावमा ‘एउटाले सडक पिच गर्ने, अर्काेले भत्काउन जाने, भत्केको सडक जस्ताको तस्तै छोड्ने परम्पराले विकासले सार्थकता पाउन नसकेको बताउनु भयो । सरकारले चाहेको बेला एक हप्तामा सडक चिल्लो हुदोरहेछ नि भनेर जनताले प्रश्न गरिरहेको स्मरण गर्दै काममा दक्खलता र इमान्दारिता देखाउन निर्देशन दिनुभयो ।

‘विकास आयोजनामा सही गर्ने बेला फलानालाई दिनुपर्छ भनेर कसैले भन्छ भने त्यो नेपाललाई गरिवीबाट मुक्त गर्ने नीति विपरित काम गर्दैछ भन्नेमा प्रष्ट हुन सबैलाई सचेत गराउनु भयो । काम गर्दा केही कमजोरी भएमा विरोध भए त्यसलाई तुरुन्तै सच्याउनु पर्ने बताउनु भयो । काम गर्दै जँदा विरोध गर्नेहरु नै आफैं थाक्ने बताउदै प्रधानमन्त्री ओलीले मातहतका कामको स्थितिबारे चार दिनभित्र रिपोर्ट तयार गर्न मन्त्रालयहरुलाई निर्देशन दिनुभएका छन् ।