चीन उदीयमान विश्व शक्ति : राजदूत होङ

2018-09-30 08:21

काठमाडौँ १३ असोज — आपसी हित, समानता र सम्मानको सिद्धान्तअनुसार चीन अघि बढेर विश्वको शक्ति राष्ट्र बन्न अग्रसर रहेको काठमाडौंस्थित चीनियाँ राजदूत यु होङले बताएकी छन् ।

चीनको ६९ औं राष्ट्रिय दिवसको अवसरमा शुक्रबार राजधानीमा गरेको समारोहलाई सम्बोधन गर्दै युङले नेपालको विकासमा चीन अझै प्रतिबद्ध भएर लागि पर्ने प्रतिवद्धता गरेकी हुन् । भौतिक पूर्वाधार, उर्जा, विकास, कृषि, प्रविधिलगायतका क्षेत्रमा नेपालमा चीनले सघाउन चाहेको राजदूत होङले स्पष्ट गरिन ।
नेपाल चीनबीचको पारवहन सम्झौताले आपसी सम्बन्ध मजबुत भएको छ/ उनले भनिन् ‘नेपाल र चीन दुबैको प्रयत्नले दुई देशको सम्बन्ध यस वर्ष अझै बलियो भएको छ’ ।

चीनको वान बेल्ट वान रोड परियोजनाले हिमाल वारपारको परिबहन र यसको बहुआयामिक कटेक्टिभीटी बढाउने चीनको धारणा छ ।
चीनले निरन्तर आर्थिक प्रगति गर्दै गएको र राष्ट्रपति सीको नेतृत्वमा चीनले आशातित लक्ष्य हासिल गर्ने राजदूत होङले बताइन ।
समारोहमा उपराष्ट्रपति नन्द बहादुर पुन सहितका उच्च पदस्थ नेपाली अधिकारीका साथै विदेशी कुटनीतिक नियोगका प्रमुखहरको उपस्थिति रहेको थियो ।
सन् १९४९ अक्टुवर १ मा अध्यक्ष माओत्सेतुङको नेतृत्वमा चीन जनवादी गणतन्त्र घोषणा भएको थियो । त्यस यता विश्वमा चीनले समाजवादी कम्युनिस्ट व्यवस्थाको अभ्यास गर्दै तीव्र आर्थिक प्रगति हासिल गरेको छ ।
यसै वर्ष सम्पन्न चिनिया कम्युनिस्ट पार्टीको महाधिवेशनले सी जिनपिङ विचाराधारालाई पार्टी र देशकै मार्गदर्शक सिद्धान्त घोषण गरेको छ । राष्ट्रपति तथा पार्टाी महासचिव सीले बेल्ट रोड इनिसियटिभको अवधारणाबाट विश्वाको नयॉं व्यवस्थाको सुरुवात गर्ने कोशिश गरेका छन् । बीआरआईको नेपाल पनि सहमत पक्ष राष्ट्र हो ।

    Comment Here!


सम्बन्धित समाचार

View All