काठमाडौं १० पुस। गत हप्ता नवनिर्वाचित सांसदहरुमध्ये जेष्ठ सदस्य पुशपति शमशेर राणालाई राष्ट्रपतिबाट सपथ ग्रहण समारोहमा एमाले अध्यक्ष केपी शर्मा ओली र माओवादी अध्यक्ष प्रचण्डको भलाकुसारी र एकैठाउंको बसाई धेरैले आश्चार्य नमानेको तर राजनीतिक कोर्स बदल्न पर्याप्त संकेत थियो ।
त्यसको अफलअप संसद भवन नयां बानेश्वरको चियापान समारोहमा गज्जवैले देखिएको थियो । त्यो पनि कांग्रेसीहरुले केवल संयोग ठाने । उनीहरुले ओली र प्रचण्ड मिल्ने कुरा कल्पना समेत गर्न सकेनन् । त्यतिमात्र होइन देउवालाई ढाडस दिइरहेका शक्ति केन्द्रहरुले पनि पत्याएनन् । प्रचण्ड र ओलीले एकअर्काप्रति दबाव बढाउन गरेको गेष्चर मात्र सझे । वास्तविकता भने निर्वाचन परिणाम लगत्तैबाट शुरु भएको लगातार सर्वजनिक भएको थियो ।
त्यसको औपचारिक साइत आज मात्र जुरेको हो । यो ओली र प्रचण्डको योजना अनुसारै थियो ।
प्रचण्डले कांग्रेस र उसका हितैषीहरुले दिएको समयसीमा सम्म देउवालाई पर्खे । अन्तिममा देउवाको सरकारी निवासमा देउवालाई धोकेवाज बताएर प्रचण्ड बालकोट पुगे । देउवाले पूर्व सहमति पालना नगरेको कांग्रेस नेता रामचन्द्र पौडेलले समेत बताएका छन् ।
नेकपा एमालेका अध्यक्ष केपी शर्मा ओलीको निवास भक्तपुरस्थित बालकोटमा चार दलबीच छलफल सुरु भएको छ । एमाले अध्यक्ष ओली, माओवादी केन्द्रका अध्यक्ष पुष्पकमल दाहाल प्रचण्ड, राष्ट्रिय स्वतन्त्र पार्टीका सभापति रवि लामिछाने र जनता समाजवादी पार्टीका नेता अशोक राईलगायतका नेताहरुबीच छलफल सुरु भएको हो ।
केही बेर अघि राप्रपा नेपालका अध्यक्ष राजेन्द्र लिङ्देन एमाले अध्यक्षसँग वार्ता गरेर निस्किएका छन् । सत्ता गठबन्धन टुटेको कांग्रेसले घोषणा गरेपिछि प्रचण्ड वाम नेतृत्वको गठबन्धन बनाउन एमाले अध्यक्षसंग वार्ता गर्न बालकोट पुगेका हुन् ।
५ दलीय सत्ता गठबन्धनमा रहेको अर्को वामपन्थी दल एकीकृत समाजवादी भने वाम गठबन्धनको बैठकमा सहभागी छैन। माधव नेपालले देउवालाई नै सघाउने बचन दिएको नेपाल निकट एक नेताले बताएका छन् ।
नयां सरकार गठनका लागि १३८ सांसद को समर्थन आवश्यक पर्दछ ।यी चार दलमा एमालेसँग ७८, माओवादी केन्द्रसँग ३२, रास्वपासँग २० र जसपासँग १२ जना सांसद छन् । २७५ सदस्यीय प्रतिनिधिसभामा सरकार गठनका लागि १३८ भन्दा बढी १४२ हुन आउंछ ।
बालकोटका केही दृश्यहरु
सम्वन्धित समाचार
बालकोटमा तीन दल बैठक सुरु, स्वतन्त्र पार्टीका सभापति रवि लामिछाने पनि पुगे
प्रतिक्रिया दिनुहोस्