काठमाडौं ६ पुस । नवनिर्वाचित सांसदहरुलाई सपथ ग्रहण गराउने प्रयोजनका लागि प्रतिनिधिसभामा विजयी सबैभन्दा ज्येष्ठ सांसद पशुपति शमशेर जबरालाई राष्ट्रपतिले शपथ गराइन । सोही समारोहको अवसर पारेर एमाले अध्यक्ष केपी शर्मा ओली र माओवादी अध्यक्ष पुष्पकमल दाहाल प्रचण्ड संगै बस्न्ेगरी एमालेका दोस्रो तहका नेताहरुले व्यवस्था मिलाएका थिए । यसो गुर्नको मुख्य कारण २०७७ पुस ५ पछि तित्त अवस्थामा रहेको दुई नेताबीचको प्रत्यक्ष सम्वाद र सम्वन्ध बढाउनका लागि । यसो गर्नुको कारण हो १० गते भित्र दुई वा दुई भन्दा बढी दलको समर्थनमा नयां सरकार गठन गर्नु पर्नेछ । गठबन्धन सरकार बनाउनका लागि एमालेले माओवादी अध्यक्ष प्रचण्डलाई प्रधानमन्त्री बनाउनेगरी शक्ति बांडफांडको गृहकार्यमा एमाले र माओवादीका दोस्रो तहका बरिष्ठ नेताहरु लागिरहेका छन् । त्यही कामलाई भावनात्मक रुप दिन आज दुई नेताबीच भेट गराइएको वार्तामा संलग्न एमाले नेताले एबीसीलाई बताए ।

२०७७ मा तत्कालीन नेकपा खारेज भएदेखि संवादहीन अवस्थामा रहेका नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डबीच राष्ट्रपति कार्यालय शीतल निवासको समारोहमा संगैमात्र बसेनन् त्यहांको झण्डै ३० मिनेटजति समय दुई जना लगातार भलाकुसारी गरिरहे । उनीहरुको पछाडिको लहरमा बसेका अन्य नेताहरुले भने दुई नेताबीचको भलाकुसारी सुन्न सकेनन् ।

राष्ट्रपति विद्यादेवी भण्डारीले जबरालाई पद तथा गोपनीयताको शपथ खुवाउने क्रममा ओली, प्रचण्ड र अर्का पूर्वप्रधानमन्त्री झलनाथ खनाललाई समेत योजनावद्ध रुपमा संगै राखिएको थियो । ०७७ पुस ५ पछि ओली र प्रचण्डबीच आक्कलझुक्कल भेट भएपनि ओली र खनालबीच भेट भएको यो ने पहिलो पटक हो ।
एमालेबाट छुट्टिएका खनालसँग पनि ओलीले सोही अवसरमा सन्चो विसन्चो सोधपुछ गरेका थिए ।

भावी सरकार शक्ति बांडफांटका लागि एमाले अध्यक्ष ओलीले आफूले राष्ट्रपति पद लिएर प्रचण्डलाई प्रधानमन्त्री बन्न प्रस्ताव गरिसकेकका छन् ।

मंसिर ४ को निर्वाचनमा गोरखाबाट विजयी प्रचण्डलाई ओलीले झापाबाटै फोन गरेर बधाई दिएका थिए।त्यसपछि लगातार जसो दुई नेताबीच फोना सम्वाद भइरहे पनि प्रत्यक्ष भेटवार्ता भएको थिएन ।
राष्ट्रपति विद्यादेवी भण्डारीले आगामी १० गतेसम्मको समय दिएर दलहरुलाई नयाँ सरकारका सिफारिश गर्न दिएको समय सिमाभित्र एमाले र माओवादी बीच गठबन्धन गराउन समेत अप्रत्यक्ष पहल गरिरहेकी छन् ।
बुधबार मात्रै नेकाको संसदीय दलको चुनावबाट शेरबहादुर देउवा दल नेता चुनिएका छन् । कांग्रेसभित्र को शक्ति सन्तुलनमा शेखर गगन समूह निकै कमजोर देखिएको छ ।
स्रोतका अनुसार दल नेता निर्वाचित भएकोमा बधाई दिने बहानामा प्रचण्डले अर्थमन्त्री जनार्दन शर्मालाई छिटो निर्णय लिएर प्रचण्डलाई प्रधानमन्त्रीमा प्रस्ताव गर्नु पर्ने सिधा प्रस्ताव पठाएका छन्। कांग्रेसको तर्फबाट विहीबार बेलुकासम्म प्रचण्ड प्रधानमन्त्री हुने गरी शक्ति बांडफांटको प्रस्ताव नआएमा वाम गठबन्धन बन्ने स्रोतको दावी छ ।