अष्ट्रेलिया प्रस्थान गर्न लागेको नेपाली ¥याफ्टिङ टिमलाई बिदाई

2019-05-04 13:41


पोखरा, २१ वैशाख । ¥याफ्टिङ वल्र्डकपका लागि अष्ट्रेलिया प्रस्थान गर्न लागेको नेपाली टिमलाई पोखराका पर्यटन व्यवसायीहरुले बिदाई गरेका छन् ।

अन्र्तराष्ट्रिय ¥याफ्टिङ महासंगको आयोजनामा आगामी मे १६ देखी १९ सम्म दक्षिण अष्ट्रेलियाको क्वीन्स ल्याण्डको टुली नदीमा हुने वल्र्डकप च्याम्पियनसिपमा सहभागी हुने टिमलाई शनिबार गण्डकी प्रदेश सभा सदस्य राजिब पहारीले नेपालको झण्डा हस्तान्तरण र रेवान पोखरा तथा पोखरा पर्यटन परिषदका अध्यक्ष लगायतले खादा लगाई बिदाई गरेका हुन् ।

सो अबसरमा बोल्दै प्रदेश सभा सदस्य पहारीले उनले नेपालको झण्डा बोकेर बिदेश जाने राष्ट्रिय टिमलाई सरकारको कुनै सहयोग नहुनु अत्यन्तै दुखद रहेको बताए । उनले खेलकुद र पर्यटन मन्त्रालयको कडा आलोजना गर्दै आँखा भएर नदेख्ने र कान भएर नसुन्नुको कुनै अर्थ नभएको उल्लेख गरे ।

पहारीले सरकारको सहयोग बिना देशको झण्डा अष्ट्रेलियामा फैलाउन पुग्नु नै मेडल जिते सरह हुने बताउदै जितको शुभकामना ब्यक्त गरे । उनले ब्यक्तिगत रुपमा एक महिनाको तलब सो खेलाडीहरुलाई दिने घोषणा समेत गरेका थिए ।

त्यस्तै टिम प्रशिक्षक नेपाल एजेन्सीज ¥याफ्टिङ एशोसियशनका अध्यक्ष निम बहादुर मगरले सो प्रतियोगितामा सहभागी हुनका लागि करिब ३४ लाख लाग्ने बताए ।
उनले अहिलो सम्म केन्द्र सरकार र नेपाल पर्यटन बोर्डले कुनैपनि सहयोग नगरेको बताउदै चितवनको इच्छामनकामना गाउँपालिका कुरिनटार, वेनीघाट रोराङ गाउपालिका वेनीघाट, गण्डकी गाउँपालिका गोरखा र शहिद लखन गाउँपालिका घैरुङले केही सहयोग गरेको बताए ।
सुरज गुरुङको कप्तानीमा सहभागी हुने उक्त टिममा सुनिल गुरुङ, सविन गुरुङ, शक्ति कुमार गुरुङ, दिपेश गुरुङ, पदम बहादुर गुरुङ र रविल मिया रहेका छन् भने टिम प्रशिक्षकका रुपमा नेपाल एजेन्सीज ¥याफ्टिङ एशोसियशनका अध्यक्ष निम बहादुर मगर रहेका छन् । उनीहरु आगामी मे ७ तारिकका दिन अष्टे«लिया प्रस्थान गर्नेछन ।

    Comment Here!


सम्बन्धित समाचार

View All