धुलिखेलमा नेपालकै पहिलो पटक सुपरम्यान फ्लाइङ (फोटोफिचर)

छबि सापकोटा

2019-03-17 15:00


काठमाडौं,३ चैत । नेपालमा प्याराग्लाइडिङ, बञ्जी जस्तै नया“ साहसिक खेल सुपर म्यान फाइङ थपिएको छ । नेपालमै पहिलो पटक काभ्रेपलाञ्चोकको धुलिखेलमा सुपर म्यान फाइङ र जीपलाईन सेवा सुरु भएको छ ।

जीपलाईन यस अघि पोखरा भएपनि सुपरम्यान फ्लाइङ नेपालमै पहिलो पटक भित्रिएको हो । समुन्द्रसतहदेखि एक हजार ३ सय मिटर सुरुको उचाइबाट १ सय मिटर कममा अन्तिम स्टेशन रहेको छ ।

धुलिखेलको थाक्लेडाडादेखि शुरु हुने सुपरम्यान र जिप लाइन पा“चखालको खावा डांडासम्म ११ सय मिटरको दुरी रहेको छ । उक्त दुरी १ मिनेटमै पार गर्न सकिन्छ । तारमा अमेरिकी र क्यानेडेली प्रबिधी प्रयोग गरी विशेष प्रकारको डोरीसहितको घिर्निको प्रयोग गरिएको छ ।

जसको माध्यमबाट प्रतिघण्टा ७० देखि एक सय किलोमिटरको स्पिडमा समेत शरिरलाई सुरक्षित गरी चरा जस्तै उडेर सुपरम्यान फाइङ र जीपलँइन गर्न गरिन्छ । उक्त दुरीमा उड्दा माथिबाट जगंल फाट, स्थानिय बासिन्दाका घरका साथै वरपरका डांडा पाखाको दृष्यावलोकनबाट छुट्टै आनन्द लिन सकिने नेपाल वल्ड वाइड एड्भेन्चरका सञ्चालक केदार थापाले बताउनु भयो ।

नेपाल वल्ड वाइड एड्भेन्चर प्रालिले शुरु गरेको सुपरम्यान र जिपलाइन साहसिक खेल सुरु भएको १५ दिनमै ३ सय पर्यटकहरु धुलिखेलको थाक्लेडांडामा पुगिसकेका छन । जीपलँइन खेलका लागि प्रतिव्यक्ति २५ सय र जोडीको लागि ४५ सय र सुपरम्यान फाइङको लागि ३५ सय शुल्क लाग्ने गर्छ । सार्क र अन्य मूलुकको हकमा ३५ देखि ४० डलर तिर्नु पर्छ ।

हावाको वेगमा प्रकृतिको आनन्द लिंदै दुई खेलको मज्जा लिने सकिन्छ छ । तर कहिलेकाहि हावाको बेलेगसाथ नदिदा केही समय अन्तिम बिन्दुमा नपुगि आधाबाटैमै रोकिने समेत हुन सक्छ । तर त्यहां रेक्यु टिम हुने भएको कुनै समस्या नआउने अर्का सञ्चालक उमेश श्रेष्ठको दाबी छ ।

प्राकृतिक सुन्दरताले भरिपुर्ण स्थान धुलिखेलमा नेपालमै पहिलो पटक भित्रिएको सुपरम्यान फाइङको सुविधाबाट पर्यटन उद्योगलाई अघि बढाउने विश्वास गरिउको छ । अबश्य बढाउने छ भने नेपालले मनाउने लागेको नेपाल भ्रमण वर्षलाई पनि यस्ता साहसिक खेलकै कारण नेपाल प्रतिको आकर्षण बढ्ने निश्चित छ ।

दुई युवा सञ्चालक केदार थापा र उमेश श्रेष्ठले करिब ४ करोडको लगानीमा ३० रोपनी जग्गा १५ वर्षको लागि भाडामा ल्याएर सुपरम्यान फाइङ र जिपलाइन साहसिक खेलले नेपाली डांडाकांडाबाट स्वदेशी र विदेशी पर्यटनकलाई मानोरञ्जन गराइका छन् ।

    Comment Here!


सम्बन्धित समाचार

View All