राष्ट्रनिर्माताको योगदानलाई बिर्सन हुँदैन् :अध्यक्ष लोहनी

2019-01-11 18:59

काठमाडौं,२७ पुस । एकीकृत राष्ट्रिय प्रजातन्त्र पार्टी (राष्ट्रवादी) का अध्यक्ष डा प्रकाशचन्द्र लोहनीले विश्वमानचित्रमा नेपाललाई स्वतन्त्र र सार्वभौम राष्ट्रका रूपमा स्थापित गराउने राष्ट्रनिर्माता पृथ्वीनारायण शाहको योगदानलाई नेपालीले बिर्सन नहुने बताउनुभएको छ ।

पार्टीले २९७औँ पृथ्वी जयन्तीका अवसरमा आज आयोजना गरेको चियापान तथा शुभकामना आदानप्रदान कार्यक्रममा उहाँले पृथ्वीनारायणले बाइसे चौबीसे राज्यमा छरिएको भूगोललाई एकीकरणको परिकल्पना गरी आधुनिक नेपाल निर्माण गरेको स्मरण गर्नुभयो ।

चियापानमा नेपाली काङ्ग्रेसका सभापति शेरबहादुर देउवा, मन्त्रिपरिषद्का पूर्वअध्यक्ष खिलराज रेग्मी, राप्रपा (प्रजातान्त्रिक) का अध्यक्ष पशुपतिशम्शेर जवरा, नेकपा (माले) का महासचिव सिपी मैनाली, पूर्वप्रधानसेनापति रुक्माङ्गत कटवाल, साहित्यकार, कलाकारलगायतको सहभागिता रहेको थियो ।

    Comment Here!


सम्बन्धित समाचार

View All