रामेछापमा गुम्बा बनाउन तामाङ सोसाइटी अफ अमेरिकाले पाँच लाख सहयोग गर्ने

2018-07-09 12:32

न्यूयोर्क । बौद्ध गुरु टुल्कु लोसाङ नाम्ग्याल रिन्पोचेको नेतृत्वमा निर्माणधीन बौध स्तुपाको लागि तामाङ सोसाइटी अफ अमेरिकाका अध्यक्ष सानुमाया तामाङले सोसाइटीकोतर्फबाट ५ लाख रुपैया चन्दा सहयोग प्रदान गर्ने घोषणा गर्नुएको छ । जुलाई ८, २०१८ का दिन न्युयोर्कमा सम्पन्न वाङ अर्थात अभिषेक ग्रहण कार्यक्रममा सहयोग गर्ने घोषणा भएको हो ।

बौद्ध धर्म अनुसार अत्यन्तै पबित्र मानिने बौद्ध स्तुपा नेपालको रामेछाप जिल्लामा निर्माण हुदैंछ । तामाङ सोसाइटी अफ अमेरिकाले आइतबार न्युयोर्कमा आयोजना गरेको वाङ कार्यक्रममा अध्यक्ष तामाङले सो चन्दा रकम स्तुपा निर्माणको लागि प्रदान गर्ने घोषणा गर्नुभएको हो ।

सो वाङ अर्थात अभिषेक कार्यक्रममा बौद्ध गुरु टुल्कु लोसाङ नाम्ग्याल रिन्पोचेले बौद्ध दर्शन अनुसार हाम्रो दैनिक जीवन शैलीलाई के कसरी यथार्थपरक बनाउन सकिन्छ त्यसबारे प्रवचन दिनुभएको थियो ।

सो कार्यक्रम न्युयोर्कको क्विन्सस्थित तामाङ सोसाइटी अफ अमेरिकाको सभाकक्षमा सम्पन्न भएको थियो भने कार्यक्रम सोसाइटीका महासचिव बुद्दिमान तामाङले संचालन गर्नुभएको थियो ।

 

    Comment Here!


सम्बन्धित समाचार

View All