काठमाडौं, ९ पुस । प्रधानमन्त्री निवास बालुवाटारमा बसेको सत्ता गठबन्धनको बैठक निष्कर्षविहीन बनेको छ । भोलि पुनः बैठक बस्नेगरी आजको बैठक सकिएको सरकारका प्रवक्तासमेत रहेका ज्ञानेन्द्रबहादुर कार्कीले जानकारी दिए ।
नयाँ सरकार गठन र शक्ति समीकरणबारे छलफल गर्न बैठक बसेको भए पनि आजको बैठक निष्कर्षमा पुग्न नसकेको उनलको भनाइ छ ।
उनले सत्ता गठबन्धनकै नेतृत्वमा नयाँ सरकार बन्ने बताए ।
अब प्रधानमन्त्री को बन्ने भन्ने विषयमा विवाद देखिएको छ । गठबन्धनको तर्फबाट देउवाले नै पहिलो कार्यकाल प्रधानमन्त्रीको दावी गरिरहेका छन् भने प्रचण्डले आफूले स्वभाविक रुपमा प्रधानमन्त्री पाउनुपर्ने बताउँदै आएका छन् ।
राष्टपतिले पहिलोपटक दिएको समय सीमा भोलि सकिँदैछ । त्यसअघि नै सहमति गर्ने तयारीमा रहेका गठबन्धनमा प्रधानमन्त्रीको टुंगो भने लागिसकेको छैन ।
प्रतिक्रिया दिनुहोस्