काठमाडौं, ९ जेठ । प्रधानमन्त्री केपी शर्मा ओली नेतृत्वका दुई मन्त्रीले आफुसँग भएका घर पालुवा जनावरलाई सम्पत्तिमा राखेका छन् ।
बुधबार सरकारमा रहेका मन्त्रीको सम्पत्ति सार्वजनिक गर्ने क्रममा गृहमन्त्री रामबहादुर थापाले भाले र पोथी दुई कुकुर सम्पत्तिमा उल्लेख गरेका छन् । विवरणमा उनले ति कुकुरहरू छिमेकीले दिएको जनाएका छन् ।
उता श्रम तथा रोजगार मन्त्री गोकर्ष विष्टले पनि आफुसँग भएका चौपायालाई सम्पत्तिमा उल्लेख गरेका छन् । उनीसँग दुई गोरू, १ भैंसी, २ गाई र ४ बाख्रा सम्पत्ति रहेको उल्लेख छ ।
यी बाहेक घरजग्गा र केही सुनचाँदी पनि सम्पत्ति विवरणमा उल्लेख गरिएको छ । अन्य मन्त्रीले जनावरलाई सम्पत्ति विवरणमा राखेका छैनन् ।
प्रतिक्रिया दिनुहोस्