काठमाडौं, १२ मंसिर ।नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले वामपन्थी तथा देशभक्त शक्तिहरूबीच बृहत् एकता अपरिहार्य भएको बताएका छन्। आगामी चुनाव देशको निकासको मुख्य मार्ग भएको भन्दै उनले सबैलाई निर्वाचन प्रक्रियामा गम्भीरतापूर्वक जुट्न अपिल गरे।

धनगढीमा आयोजित सभालाई सम्बोधन गर्दै प्रचण्डले सुदूरपश्चिम प्रदेशसँग आफ्नो विशेष भावनात्मक र राजनीतिक सम्बन्ध रहेको बताए। गणतन्त्र स्थापनापश्चात् सबैभन्दा धेरै संवाद, भ्रमण र विकास पहल सुदूरपश्चिममै गरिएको उनको भनाइ छ। ुसुदूरपश्चिममा जनयुद्ध र जनआन्दोलनमा अपार बलिदान भएको छ। त्यही बलिदानको कदर गर्दै हामीले पछिल्ला वर्षहरूमा यो क्षेत्रलाई निरन्तर प्राथमिकतामा राख्यौं,ु उनले भने।

संयोजक प्रचण्डले हालै गठन भएको नेपाली कम्युनिष्ट पार्टी १५ वटा कम्युनिस्ट घटकहरूको ऐतिहासिक एकताको परिणाम भएको उल्लेख गर्दै यसले देशभर नयाँ ऊर्जा पैदा गरेको बताए। एमालेभित्रका देशभक्त तथा क्रान्तिकारी कार्यकर्तालाई पनि यस पार्टीमा एकताबद्ध हुन आग्रह गर्दै उनले भने, ुअब कोही माओवादी, कोही समाजवादी भन्नुपर्ने आवश्यकता छैन। सबै नेपाली कम्युनिष्ट। यही भावना अनुसार पार्टीको नाम राखिएको हो।ु

देशव्यापी चर्चामा रहेको जेनजी आन्दोलनबारे बोल्दै प्रचण्डले २३ र २४ गतेका घटनालाई ुनरसंहारुका रूपमा चित्रित गरे। युवापुस्ताका मागहरू जायज रहेको पुनः दोहोर्‍याउँदै उनले सरकारको बल प्रयोग गलत भएको बताए। उनले राजनीतिक नेतृत्व तथा अभिभावकहरूलाई आत्मालोचना गर्नुपर्ने बताए। ुहामीले आफ्नै छोराछोरी, नाति(नातिनातर्फ पर्याप्त ध्यान दिन सकेनौं। उनीहरू इन्टरनेट र एआईको नयाँ संसारमा पुगे। हामी सबैले घर(परिवारबाटै युवालाई इतिहास, राष्ट्र र समाजबारे शिक्षित बनाउनैपर्छ,ु उनले भने।

उनका अनुसार जेनजी युवाहरू बिस्तारै सही अभिभावक पहिचान गर्दै नेपाली कम्युनिष्ट पार्टीमै केन्द्रित हुन थालेका छन्। प्रचण्डले देश केही महिना अघिको राजनीतिक संकट अत्यन्त गम्भीर मोडमा पुगेको बताउँदै २६ गते राति ुगणतन्त्र खारेज हुनसक्नेुसम्मको चर्चा चलेको स्मरण गरे। सो रात राष्ट्रपति कार्यालयबाट आकस्मिक बोलाहट आएपछि उनले र माधवकुमार नेपालले शीतल निवास पुगेर संविधान र प्रणालीलाई जोगाउन सक्रिय भूमिका खेलेको बताए। राष्ट्र विहीनजस्तै अवस्था आएको थियो। त्यस्तो संकट दोहोरिन नदिन वाम(देशभक्तहरूको ठूलो एकता आवश्यक छ, उनले भने।

आगामी निर्वाचन नै देशलाई स्थिरता दिने मार्ग भएको स्पष्ट गर्दै प्रचण्डले विगतमा संसद विघटनमा संलग्नहरूले अहिले पुनःस्थापनाका कुरा उठाउनु बेमौसमको बतासजस्तै भएको बताए। एमाले अध्यक्ष केपी शर्मा ओलीतर्फ इंगित गर्दैउनले भने, देशलाई उल्टो बाटोमा लैजाने दम्भी र अहंकारी प्रवृत्तिलाई जनता आफैंले सबक सिकाउने बेला आएको छ।ु