काठमाडौं २३ भदौ । राजधानीमा सोमबार जेनजी समूहले आह्वान गरेको प्रदर्शनका क्रममा अहिलेसम्म १६ जनाको मृत्यु भएको छ ।
स्वास्थ्य तथा जनसंख्या मन्त्रालय स्रोतका अनुसार, उपत्यकाका विभिन्न अस्पतालमा १६ जनाको मृत्यु भएको विवरण प्राप्त भएको छ ।
ट्रमा सेन्टरमा मात्रै ६ जनाको मृत्यु भएको अस्पतालले पुष्टि गरेको छ। त्यस्तै एभरेस्ट अस्पतालमा ५ जनाको मृत्यु भएको छ।
यो सहित उपचारका लागि सिभिल अस्पतालमा पुर्याइएका मध्ये ३ प्रदर्शनकारीको मृत्यु भएको अस्पताल प्रशासनले जानकारी दिएको छ।
त्यस्तै काठमाडौँ मेडिकल कजेलमा १ जना जनाको मृत्यु भएको छ। त्यस्तै टिचिङ अस्पतालमा १ जनाको मृत्यु भएको अस्पतालका प्रवक्ता डा गोपाल सेडाइँले जानकारी दिए।
घाइतेहरूको यकिन विवरण भने प्राप्त भइसकेको छैन ।
विभिन्न अस्पतालमा रहेका विरामीले बाटो अवरुद्ध भएका कारण उपयुक्त उपचारका लागि थप सुविधासम्पन्न अस्पतालमा लैजान समस्या भएको। ।
प्रतिक्रिया दिनुहोस्