काठमाडौं २३ भदौ । भ्रष्टाचार, अव्यवस्था र सामाजिक सन्जाल बन्द गर्ने सरकारको निर्णयविरुद्ध नयाँ पुस्ताका युवा (जेन जी) हरुले पहिलो पटक काठमाडौंमा प्रदर्शन सुरु गरेका छन् ।

उनीहरु स्वतःस्फूर्त रुपमा काठमाडौंको माइतीघर मण्डलामा भेला भएर मुख्य राजनीतिक दलका नेता र तिनका परिवारको सम्भ्रान्तशैलीको लवाइखवाई बारे चर्को आक्रोश पोखिरहेका छन् ।

उनीहरुले ‘जेनजी पुस्ता चिच्याउँछ, भ्रष्टहरुलाई गिज्याउँछ’ लगायतका नारा लेखेका प्लेकार्ड बोकेका छन् । कतिपय युवाहरु कलेज र स्कुल पोशाकमा समेत देखिन्छन् ।

पहिले सामाजिक सञ्जालका पोष्टमा मात्र सीमित सरकार र राजनीतिक दलका नेताविरुद्धको आक्रोशलाई जेनजी पुस्ताले सडकमा उतारेका छन् ।

जेनजी पुस्तालाई विभिन्न राजनीतिक दल, जनप्रतिनिधि, कलाकार, विभिन्न पेशा व्यवसायमा संलग्न व्यक्ति र स्वतन्त्र युवाहरुले समर्थन गरेका छन् ।
प्रमुख प्रतिपक्षी दल माओवादी लगायतका एमाले बाहेकका सवै दलहरुले जेनजीको आन्दोलनलाई समर्थन गरेका छन् ।
प्रदर्शनहरु कस्ता कस्ता देखिए ?