काठमाडौ १४ साउन । नेकपा माओवादी केन्द्रको १६ गतेदेखि बस्ने स्थायी समिति बैठकका एजेन्डा तय भएका छन्। बुधबार पेरिसडाँडामा बसेको पदाधिकारी बैठकले स्थायी समिति बैठकका एजेन्डा तय गरेको हो।
सचिव दीनानाथ शर्माकाअनुसार स्थायी समिति बैठकमा अध्यक्ष पुष्पकमल दाहाल ‘प्रचण्ड’ले समसामयिक राजनीतिक विषयमा रिर्पोटिङ गर्नेछन्।
त्यस्तै समाजवादी मोर्चाको कामकारबाही र विस्तारबारे पनि बैठकमा छलफल हुनेछ। पार्टीभित्रको मतभेद व्यवस्थापन र नेताहरुबीचको एकता सुदृढीकरण गर्ने विषयलाई पनि बैठकको एजेन्डा बनाइएको छ।
त्यस्तै माओवादी केन्द्रसँग एकतामा आएकाहरुको कार्यविभाजन गर्नेबारे पनि बैठकमा निर्णय हुनेछ।
यी लगायतका ९ एजेन्डा तय गरिएको हो।
प्रतिक्रिया दिनुहोस्