काठमाडौं १ फगुन । भारतले इङ्गल्यान्डसँगको एकदिवसीय शृङ्खलामा क्लीन स्वीप गरेको छ । भारतले तेस्रो खेल एक सय ४२ रनले जितेर शृङ्खला ३–० ले जितेको हो ।
भारतले दिएको ३ सय ५७ रनको लक्ष्य पछाएको इङ्गल्यान्डले ३४ ओभर २ बलमा अल आउट हुँदै २ सय १४ रन मात्र बनायो । इङ्गल्यान्डका लागि टम बानटन र गस अटकिन्सनले समान ३८ रन बनाए ।
भारतका अर्शदीप सिंह, हर्षित राना, हार्दिक पाण्डेय र अक्क्षर पटेलले २–२ विकेट लिए । यस अघि पहिला ब्याटिङ गरेको भारतले ५० ओभरमा अल आउट हुँदै ३ सय ५६ रन बनाएको थियो ।
भारतका लागि शुभमन गिलले १ सय १२ रनको शतकीय पारी खेलेका थिए भने श्रेयस अय्यरले ७८ र विराट कोहलीले ५२ रन बनाएका थिए । योसँगै भारतले ३ खेलको सिरिज ३–० ले जितेको छ र शृङ्खलामा क्लीन स्वीप गरेको छ ।
प्रतिक्रिया दिनुहोस्