काठमाडौं । त्रिभुवन अन्तर्राष्ट्रिय विमानस्थलबाट पाँच किलो ७ सय ग्राम सुनसहित तीन जनालाई नियन्त्रणमा लिइएको छ ।
एयर अरेबियाको उडान नं. G9530 मा शारजाहबाट काठमाडौ आएका चिनियाँ नागरिक JIANZHONG तथा म्यानमारका SATT NAING TUN र EI NGONE PHOO लाई उक्त सुनससहित नियन्त्रणमा लिइएको हो ।
उनीहरुलाई भन्सार ब्यागेज क्षेत्रमा रिचेक (पुनः जाँच) गर्ने क्रममा लगेजभित्र राखेको १२ थान स्पीकरमा करीब ५ केजी ७ सय ग्राम सुन फेला परेपछि त्रिभुवन अन्तर्राष्ट्रिय विमानस्थल भन्सार कार्यलय र सशस्त्र प्रहरी बल नेपाल त्रिभुवन अन्तर्राष्ट्रिय विमानस्थल भन्सार सुरक्षा बेशको संयुक्त टोलीले नियन्त्रणमा लिएको हो ।
नियन्त्रणमा लिइएका तीनै जनालाई आवश्यक अनुसन्धानको लागि त्रिभुवन अन्तर्राष्ट्रिय विमान स्थल भन्सार कार्यालयमा राखिएको छ ।
प्रतिक्रिया दिनुहोस्