काठमाडौं । गएरातिको वर्षाले प्रर्दशनीमार्गस्थित राष्ट्रिय सभा गृह परिसर जलमग्न भएको छ । पानी उचित निकास नहुँदा सभा गृह जलमग्न भएको हो । जलमग्न भएको परिसरको पानी पम्प लगाएर तानेर बाहिर फालिएको छ ।
ठूलो पानी पर्नासाथ परिसर जलमग्न हुने गरेको छ । काठमाडौं महानगरको मातहतमा रहेको सभा गृहमा काठमाडौं महानगरपालिकाकै केही कार्यालय अझै छन् । यसअघि काठमाडौं महानगरपालिकाका मेयर बालेन साह र उपमेयर सुनिता डंगोलको कार्यालय पनि यही थियो ।
कमलादीमा कार्यालय तयार भएपछि मेयर उपमेयरको कार्यालय कमलादी सारिएपनि केही कार्यालयहरु भने अझै यही छ ।
महानगरले नगरसभा लगायतको कार्यक्रमहरु यही गर्दै आइरहेको छ भने मेट्रो एफएमको कार्यालय पनि यही छ । सभा गृह जलमग्न भएपछि पानी कर्मचारीहरुको कार्यकक्षमा समेत छिर्ने गरेको छ ।
प्रतिक्रिया दिनुहोस्